അപകടത്തില്‍ പരിക്കേറ്റ മലയാളിയായ ലുലു എക്‌സ്‌ചേഞ്ച് ജീവനക്കാരി കുവൈത്തില്‍ മരിച്ചു

കുവൈത്ത് സിറ്റി: അപകടത്തില്‍ പരിക്കേറ്റ് ആശുപത്രിയില്‍ ചികില്‍സയിലായിരുന്ന മലയാളിയായ ലുലു എക്‌സ്‌ചേഞ്ച് സെന്റര്‍ കസ്റ്റമര്‍ കെയര്‍ മാനേജര്‍ അനു ഏബല്‍ (34) കുവൈത്തില്‍ മരിച്ചു. ഭര്‍താവ്: ഏബല്‍ രാജന്‍. ശനിയാഴ്ച വൈകീട്ട് ഫര്‍വാനിയ ദജീജിലുള്ള ലുലു സെന്ററിലെ ജോലി കഴിഞ്ഞ് മടങ്ങവേ ബസ്സില്‍ കയറാന്‍ റോഡ് മുറിച്ചുകടക്കുന്നതിനിടയില്‍ അതിവേഗത്തില്‍ വന്ന മറ്റൊരു വാഹനം ഇടിച്ച് അതീവഗുരുതരാവസ്ഥയില്‍ ഫര്‍വാനിയ ഹോസ്പിറ്റിലില്‍ ഐസിയുവിലായിരുന്നു. പിതാവ്: കൊട്ടാരക്കര കിഴക്കേ തെരുവ് തളിക്കാംവിള വീട്ടില്‍ കെ അലക്‌സ് കുട്ടി, മാതാവ്: ജോളികുട്ടി അലക്‌സ്. മകന്‍: ഹാരോണ്‍ ഏബല്‍. സഹോദരി: അഞ്ജു ബിജു (സ്റ്റാഫ് നഴ്‌സ്, കുവൈത്ത്)