മഞ്ചേരി ജനറല്‍ ആശുപത്രി പുനസ്ഥാപിക്കണം: എസ്കെഎസ്എസ്എഫ്
സര്‍ക്കാര്‍ മെഡിക്കല്‍ കോളജ് നിലവില്‍ വന്നപ്പോള്‍ ഇല്ലാതായ ജനറല്‍ ആശുപത്രി പുനസ്ഥാപിക്കുന്നത് ജില്ലയുടെ ആരോഗ്യമേഖലയ്ക്ക് കൂടുതല്‍ സഹായകരമാവും.
മലപ്പുറം: മഞ്ചേരിയില്‍ നിലവിലുണ്ടായിരുന്ന ജില്ലയിലെ ഏക ജനറല്‍ ആശുപത്രി പുനസ്ഥാപിക്കണമെന്ന് എസ്കെഎസ്എസ്എഫ് മലപ്പുറം ഈസ്റ്റ് ജില്ലാ കമ്മിറ്റി ആവശ്യപ്പെട്ടു. സര്‍ക്കാര്‍ മെഡിക്കല്‍ കോളജ് നിലവില്‍ വന്നപ്പോള്‍ ഇല്ലാതായ ജനറല്‍ ആശുപത്രി പുനസ്ഥാപിക്കുന്നത് ജില്ലയുടെ ആരോഗ്യമേഖലയ്ക്ക് കൂടുതല്‍ സഹായകരമാവും.
സംസ്ഥാനത്ത് ഏറ്റവും കൂടുതല്‍ ജനസംഖ്യയുള്ള ജില്ലയില്‍ ചികില്‍സാ രംഗത്ത് സര്‍ക്കാര്‍ മേഖലയില്‍ ആവശ്യമായ സംവിധാനങ്ങളില്ല. പുതിയ സൗകര്യങ്ങളുണ്ടാവുമ്പോള്‍ നിലവിലുള്ള സൗകര്യങ്ങള്‍ ഇല്ലാതായിക്കൂടാ. ആരോഗ്യമേഖലയില്‍ അടിസ്ഥാനസൗകര്യങ്ങള്‍ സര്‍ക്കാര്‍ മേഖലയില്‍ ഉറപ്പുവരുത്താനും കുറവുകള്‍ പരിഹരിക്കാനും കൂട്ടായ പരിശ്രമങ്ങളുണ്ടാവണം. ജില്ലയുടെ സമഗ്ര ആരോഗ്യ പുരോഗതിക്കായി എസ്കെഎസ്എസ്എഫ് അവകാശ പത്രിക തയാറാക്കും.
തുടര്‍പ്രവര്‍ത്തനങ്ങള്‍ക്കായി ജില്ലാ കമ്മിറ്റിക്കു കീഴില്‍ സമിതിക്ക് രൂപം നല്‍കി. പാണക്കാട് ഹാശിറലി ശിഹാബ് തങ്ങള്‍, സത്താര്‍ പന്തലൂര്‍, ശമീര്‍ ഫൈസി ഒടമല, ഉമറുല്‍ ഫാറൂഖ് ഫൈസി മണിമൂളി, ഡോ.തിഫ്‌ലു റഹ്മാന്‍, ഡോ.അഷ്‌റഫ് വാഴക്കാട്, സല്‍മാന്‍ ഫൈസി തിരൂര്‍ക്കാട്, അബ്ദുറഹ്മാന്‍ തോട്ടപൊയില്‍, ഇസ്മാഈല്‍ അരിമ്പ്ര, യൂനുസ് ഫൈസി വെട്ടുപാറ, കബീര്‍ ആലുങ്ങല്‍ എന്നിവരാണ് സമിതി അംഗങ്ങള്‍.
കര്‍ണാടക സര്‍ക്കാരിന്റെ 'വര്‍ഗീയ വിരുദ്ധ സേന' 'ഹിന്ദു വിരുദ്ധ'മെന്ന്...
6 May 2025 8:53 AM GMTനീറ്റ് പരീക്ഷ; ഉദ്യോഗാര്ഥിയോട് പൂണൂല്‍ നീക്കം ചെയ്യാന്‍ ആവശ്യപ്പെട്ട ...
6 May 2025 8:11 AM GMTആദിശേഖര്‍ വധക്കേസ്: പ്രതി പ്രിയരഞ്ജന് ജീവപര്യന്തം
6 May 2025 7:44 AM GMTമുസ്‌ലിംകള്‍ക്ക് ഗ്രാമത്തില്‍ പ്രവേശനമില്ലെന്ന് ബോര്‍ഡ് സ്ഥാപിച്ച്...
6 May 2025 7:33 AM GMTസംസ്ഥാനത്ത് സ്വര്‍ണവിലയില്‍ വന്‍ വര്‍ധന
6 May 2025 7:24 AM GMTഇന്ന് തൃശൂര്‍ പൂരം; വൈകീട്ട് അഞ്ചരയ്ക്ക് കുടമാറ്റം
6 May 2025 7:07 AM GMT
