മിതാലി രാജ് ട്വന്‍റി20യില്‍ നിന്ന് വിരമിക്കുന്നു

മുംബൈ: ഇന്ത്യന്‍ വനിതാ ക്രിക്കറ്റ് ടീം മുന്‍ കാപ്റ്റൻ മിതാലി രാജ് ട്വന്‍റി20യില്‍ നിന്ന് വിരമിക്കുന്നു. 2006 മുതൽ സീനിയർ താരമായ മിതാലി ഇന്ത്യക്കായി ​​ഗ്രൗണ്ടിലിറങ്ങിയിട്ടുണ്ട്. 2012, 2014, 2016 വര്‍ഷങ്ങളിലെ വനിതാ ട്വന്‍റി20 ലോകകപ്പുകളിലടക്കം 32 ട്വന്‍റി20 മൽസരങ്ങളില്‍ മിതാലി ഇന്ത്യയെ നയിച്ചിട്ടുണ്ട്. രാജ്യത്തിനായി ഒരു ലോകകപ്പ് നേടുകയെന്നതാണ് സ്വപ്നമെന്നും 2021 ഏകദിന ലോകകപ്പാണ് ഇനിയുള്ള ലക്ഷ്യമെന്നും ബി‌സി‌സി‌ഐ പുറത്തിറക്കിയ പ്രസ്താവനയില്‍ മിതാലി രാജ് പറഞ്ഞു. ട്വന്‍റി20 സ്കോറില്‍ ഒന്നാമതുള്ള ഇന്ത്യന്‍ വനിതയും ട്വന്‍റി20 റണ്‍സ് 2000 തികച്ച ആദ്യ ഇന്ത്യന്‍ താരവുമാണ് മിതാലി രാജ്.