വെടിനിര്‍ത്തല്‍ കരാറിനു ശേഷം വടക്കന്‍ ഗസയില്‍ എത്തിത് 5,45,000ത്തിലധികം ഫലസ്തീനികളെന്ന് യുഎന്‍

ഗസ: ഇസ്രായേല്‍-ഹമാസ് വെടിനിര്‍ത്തല്‍ പ്രാബല്യത്തില്‍ വന്നതിനുശേഷം കഴിഞ്ഞ ഒരാഴ്ചയ്ക്കുള്ളില്‍ 545,000-ത്തിലധികം പലസ്തീനികള്‍ തെക്കന്‍ ഗാസയില്‍ നിന്ന് വടക്കന്‍ ഗാസയിലേക്ക് കടന്നതായി ഐക്യരാഷ്ട്രസഭ. ഇതേ കാലയളവില്‍ 36,000-ത്തിലധികം ആളുകള്‍ വടക്കന്‍ ഗാസയില്‍ നിന്ന് തെക്കോട്ട് മാറിയതായും യുഎന്‍ വ്യക്തമാക്കി.

വടക്കന്‍ ഗാസയില്‍, ബൈത് ഹനൂന്‍, ബൈത് ലാഹിയ, ജബല്യ എന്നിവിടങ്ങളില്‍ 5,000 പേരെ ഉള്‍ക്കൊള്ളാന്‍ ശേഷിയുള്ള മൂന്ന് താല്‍ക്കാലിക കേന്ദ്രങ്ങള്‍ സ്ഥാപിച്ചിട്ടുണ്ടെന്ന് യുഎന്‍ അധികൃതര്‍ പറഞ്ഞു

അതേസമയം, ഐക്യരാഷ്ട്രസഭയുടെ മാനുഷിക തലവന്‍ ടോം ഫ്‌ലെച്ചര്‍ ഇസ്രയേലും ഫലസ്തീന്‍ പ്രദേശങ്ങളും സന്ദര്‍ശിക്കുമെന്നാണ് റിപോര്‍ട്ടുകള്‍. അദ്ദേഹം വെസ്റ്റ് ബാങ്കും ഗസയും സന്ദര്‍ശിച്ച് മുതിര്‍ന്ന ഉദ്യോഗസ്ഥരുമായി കൂടിക്കാഴ്ച നടത്തുമെന്നാണ് സൂചനകള്‍.