എന്‍ ബിരേന്‍ സിങ് മണിപ്പൂര്‍ മുഖ്യമന്ത്രിയായി സത്യപ്രതിജ്ഞ ചെയ്തു

ന്യൂഡല്‍ഹി: മണിപ്പൂര്‍ മുഖ്യമന്ത്രിയായി എന്‍ ബിരേന്‍ സിങ് സത്യപ്രതിജ്ഞ ചെയ്തു. ഇത് രണ്ടാം തവണയാണ് ബിരേന്‍ സിംഗ് മുഖ്യമന്ത്രി സ്ഥാനത്തെത്തുന്നത്.

ഇന്നലെ നടന്ന ലെജിസ്‌ളേറ്റീവ് പാര്‍ട്ടി യോഗത്തിലാണ് ബിരേന്‍ സിങ്ങിനെ തിരഞ്ഞെടുത്തത്. യോഗത്തില്‍ ധനമന്ത്രി നിര്‍മല സീതാരാമന്‍, നിയമമന്ത്രി കിരന്‍ രിജിജു എന്നിവര്‍ സന്നിഹിതരായിരുന്നു.

യോഗത്തിനു മുമ്പ് ബിരേന്‍ സിങ് ഡല്‍ഹിയിലെത്തി പ്രധാനമന്ത്രിയെയും ആഭ്യന്തര മന്ത്രിയെയും പ്രതിരോധ മന്ത്രിയെയും കണ്ടിരുന്നു.

60 അംഗ നിയമസഭയില്‍ ബിജെപിക്ക് 32 സീറ്റുകളാണ് ഉള്ളത്. കോണ്‍ഗ്രസ് 5ഉം എന്‍പിപി 7ഉം സീറ്റ് നേടി. നാഗ പീപ്പിള്‍സ് ഫ്രണ്ട് 5, കുകി പീപ്പിള്‍സ് അലിയന്‍സ് 2, സ്വതന്ത്രര്‍ 3 എന്നിങ്ങനെയാണ് മറ്റുള്ളവരുടെ സീറ്റ് നില.