തൃശൂര്‍ മ്യൂസിയം മൃഗശാലയില്‍ വിദ്യാര്‍ഥികള്‍ക്കായി മത്സരങ്ങള്‍

തൃശൂര്‍: ഏപ്രില്‍ 12 മുതല്‍ 18 വരെ തൃശൂര്‍ മ്യൂസിയം മൃഗശാലയില്‍ സ്‌കൂള്‍ കോളജ് വിദ്യാര്‍ത്ഥികള്‍ക്കായി ചിത്രരചന, പ്രബന്ധരചന, ക്വിസ് മത്സരങ്ങളും പഠന ബോധവല്‍ക്കരണ ക്ലാസുകളും സംഘടിപ്പിക്കുന്നു.

സ്വാതന്ത്ര്യത്തിന്റെ എഴുപത്തിയഞ്ചാം വാര്‍ഷികത്തിന്റെ ഭാഗമായ അമൃത് മഹോത്സവത്തോടനുബന്ധിച്ചാണ് മത്സര പരിപാടികള്‍ സംഘടിപ്പിക്കുന്നത്. കേന്ദ്ര മൃഗശാല അതോറിറ്റി മുഖേന വിവിധ മൃഗശാലകളിലാണ് പരിപാടികള്‍ ആസൂത്രണം ചെയ്തിരിക്കുന്നത്.

'മലബാര്‍ ഗ്രേ ഹോണ്‍ബില്‍'എന്ന വിഷയത്തെ അടിസ്ഥാനപ്പെടുത്തിയാണ് മത്സരങ്ങള്‍.

കോവിഡ് മാനദണ്ഡങ്ങള്‍ പാലിച്ചു കൊണ്ടായിരിക്കും എല്ലാ പരിപാടികളും സംഘടിപ്പിക്കുക. കൂടുതല്‍ വിവരങ്ങള്‍ക്ക് ഫോണ്‍: 0487 2333056, 9400182848.