ലഹരി വസ്തുക്കളുമായി മധ്യവയസ്‌കന്‍ അറസ്റ്റില്‍

കല്‍പ്പറ്റ: 168 പാക്കറ്റ് കര്‍ണാടക നിര്‍മിത മദ്യവും 122 പാക്കറ്റ് ഹാന്‍സും വീട്ടില്‍ അനധികൃതമായി വില്‍പനക്കായി സംഭരിച്ച മധ്യവയസ്‌കന്‍ അറസ്റ്റില്‍. പയ്യമ്പള്ളി ഊര്‍പള്ളി സ്വദേശി മോഹനന്‍ മടക്കുഴിയില്‍(55) ആണ് അറസ്റ്റിലായത്. മാനന്തവാടി പോലിസ് എസ്‌ഐ സനീഷിനു ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് അറസ്റ്റ്. എഎസ്‌ഐ നൗഷാദ്, സിപിഒ സോഹന്‍ലാല്‍, ഇബ്രാഹിം എന്നിവരും പ്രതിയെ അറസ്റ്റ് ചെയ്ത പോലിസ് സംഘത്തിലുണ്ടായിരുന്നു.