നിപ സ്ഥിരീകരണം: മലപ്പുറത്ത് ജാഗ്രതാ നിർദേശം; പ്രാഥമിക സമ്പര്ക്ക പട്ടികയില് 214 പേർ
രോഗലക്ഷണങ്ങളുള്ളവര് കണ്ട്രോള് റൂമില് ബന്ധപ്പെടണമെന്ന് ആരോഗ്യ മന്ത്രി വീണാ ജോർജ്
![നിപ സ്ഥിരീകരണം: മലപ്പുറത്ത് ജാഗ്രതാ നിർദേശം; പ്രാഥമിക സമ്പര്ക്ക പട്ടികയില് 214 പേർ നിപ സ്ഥിരീകരണം: മലപ്പുറത്ത് ജാഗ്രതാ നിർദേശം; പ്രാഥമിക സമ്പര്ക്ക പട്ടികയില് 214 പേർ](https://www.thejasnews.com/h-upload/2023/09/14/214924-nipahvirus-ians.webp)
തിരുവനന്തപുരം: മലപ്പുറത്ത് നിപ വൈറസ് സ്ഥിരീകരിച്ചതിനെ തുടര്ന്ന് പ്രതിരോധ പ്രവര്ത്തനങ്ങള് ശക്തമാക്കിയതായി ആരോഗ്യ മന്ത്രി വീണാ ജോര്ജ്. രാവിലെ മുതല് ഊര്ജിതമായ പ്രവര്ത്തനങ്ങളാണ് നടന്നു വരുന്നത്. സംസ്ഥാനം സജ്ജമാണ്. കോണ്ടാക്ട് ട്രെയ്സിങ് രാവിലെ മുതല് ആരംഭിച്ചു. പ്രാഥമിക സമ്പര്ക്ക പട്ടികയില് 214 പേരാണുള്ളത്. ഇതില് അടുത്തിടപഴകിയ 60 പേരാണ് ഹൈറിസ്ക് വിഭാഗത്തിലുള്ളത്. രോഗിയുടെ റൂട്ട് മാപ്പ് പ്രസിദ്ധീകരിക്കും. ആ സ്ഥലങ്ങളില് ആ സമയത്ത് ഉണ്ടായിരുന്നവര് കണ്ട്രോള് റൂമുമായി ബന്ധപ്പെടണമെന്ന് മന്ത്രി അഭ്യര്ത്ഥിച്ചു.
നിപ രോഗലക്ഷണങ്ങളുള്ളവര് കണ്ട്രോള് റൂമില് വിളിക്കേണ്ടതാണ്. പനിയോടൊപ്പം തലവേദന, ജെന്നി, പിച്ചും പേയും പറയുക, ചുമ, ശ്വാസതടസം, ശ്വാസംമുട്ടല് എന്നിവയില് ഒന്നോ അതിലധികമോ പ്രത്യക്ഷപ്പെടാം. ഇതില് ശ്വാസകോശ സംബന്ധിയായ ലക്ഷണങ്ങള് ഉണ്ടെങ്കില് മറ്റുള്ളവര്ക്ക് പകര്ന്നുകിട്ടാനുള്ള സാധ്യത കൂടുതലാണ്. രോഗലക്ഷണങ്ങള് സമയം കഴിയും തോറും വര്ധിച്ചു വരാം എന്നതും, രോഗതീവ്രത വര്ധിക്കുന്നതനുസരിച്ച് രോഗവ്യാപന സാധ്യത വര്ധിച്ചേക്കാം എന്നതും നിപ രോഗത്തിന്റെ പ്രത്യേകതയാണ്.
ജില്ലയില് പൊതുയിടങ്ങളില് ഇറങ്ങുന്നവര് എല്ലാവരും മാസ്ക് ധരിക്കണം. അനാവശ്യമായ ആശുപത്രി സന്ദര്ശനങ്ങള് ഒഴിവാക്കേണ്ടതാണ്. കോണ്ടാക്ട് ലിസ്റ്റിലുള്ളവര് ഐസൊലേഷനിലായിക്കണം. ഒരു വീട്ടില് ഒരാളേ കോണ്ടാക്ട് ലിസ്റ്റില് ഉള്ളൂവെങ്കില് പോലും മറ്റുള്ളവരുമായി സമ്പര്ക്കത്തില് വരാന് പാടില്ല. ഒരു തരത്തിലും ഭയപ്പെടേണ്ടതില്ല. ഏതെങ്കിലും തരത്തില് ടെന്ഷനുള്ളവര് ദയവായി കണ്ട്രോള് റൂമുമായി ബന്ധപ്പെടുക. ആവശ്യമായ മാനസിക പിന്തുണ ഉറപ്പാക്കുന്നതാണ്.
നിപ കണ്ട്രോള് റൂം നമ്പറുകള്
0483-2732010
0483-2732050
0483-2732060
0483-2732090
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMTസിവില് സര്വീസ് പരീക്ഷാ തട്ടിപ്പ്; പൂജ ഖേദ്കറെ സര്വീസില് നിന്ന്...
7 Sep 2024 2:39 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT