സുരക്ഷ പിന്‍വലിച്ചത് അറിയിക്കാതെ; ഇപ്പോഴുള്ളത് ഔദ്യോഗിക വസതിയും കാറും, ചോദിച്ചാല്‍ അതും മടക്കിത്തരാമെന്നും പ്രതിപക്ഷ നേതാവ്

തിരുവനന്തപുരം: തന്റെ സുരക്ഷ പിന്‍വലിച്ചത് അറിയിക്കാതെയെന്ന് പ്രതിപക്ഷ നേതാവ് വിഡി സതീശന്‍. ഔദ്യോഗിക വസതിയും കാറുമാണ് ഇനിയുള്ളത്. അത് വേണമെങ്കില്‍ മടക്കിത്തരാം. ചീഫ് വിപ്പിനെക്കാള്‍ താഴെയാണ് ഇപ്പോള്‍ പ്രതിപക്ഷ നേതാവ്. ഇത്തരം കാര്യങ്ങളൊന്നും തന്നെ ഭ്രമിപ്പിച്ചിട്ടില്ല. സുരക്ഷ പിന്‍വലിച്ചതില്‍ തനിക്ക് പരാതിയുമില്ല. പത്രവാര്‍ത്തയിലൂടെയാണ് സുരക്ഷ പിന്‍വലിച്ച കാര്യം അറിയുന്നതെന്നും അദ്ദേഹം നിയമസഭ മീഡിയ റൂമില്‍ മാധ്യമങ്ങളോട് പറഞ്ഞു.