പീപ്പിള്‍സ് കള്‍ചറല്‍ ഫോറം ദമ്മാം പൂന്തുറ സിറാജ് അനുസ്മരണം സംഘടിപ്പിച്ചു

ദമ്മാം: പീപ്പിള്‍സ് കള്‍ചറല്‍ ഫോറം ദമ്മാം സെന്‍ട്രല്‍ കമ്മിറ്റി പിഡിപി വൈസ് ചെയര്‍മാന്‍ പൂന്തുറ സിറാജ് അനുസ്മരണം സംഘടിപ്പിച്ചു. ഓണ്‍ലൈനില്‍ സംഘടിപ്പിച്ച അനുശോചന യോഗം പിസിഎഫ് സൗദി നാഷണല്‍ കമ്മിറ്റി ജനറല്‍ സെക്രട്ടറി നിസാം വെള്ളാവില്‍ ഉദ്ഘാടനം ചെയ്തു. മൂന്നര പതിറ്റാണ്ടുകാലം ജനസേവന രംഗത്ത് വിശ്രമമില്ലാതെ പ്രവര്‍ത്തിച്ച് ജനഹൃദയങ്ങളില്‍ സ്ഥാനം പിടിച്ച വ്യക്തിത്വമായിരുന്നു പൂന്തുറ സിറാജ്. തിരുവനന്തപുരം ജില്ലാ കോര്‍പ്പറേഷനിലേക്ക് മൂന്നു തവണ ബഹു ഭൂരിപക്ഷത്തോടെ വിജയിച്ച് കൗണ്‍സിലറായപ്പോള്‍ നാടിന്റെ വികസനത്തില്‍ ശ്രദ്ധപതിപ്പിച്ചു. അടിച്ചമര്‍ത്തപ്പെട്ടവരുടെയും പിന്നാക്ക ദലിത് ന്യൂനപക്ഷ വിഭാഗങ്ങളുടെയും അവകാശങ്ങള്‍ക്കായി അബ്ദുല്‍ നാസര്‍ മഅദനിയോടൊപ്പം ചേര്‍ന്നുനിന്നു പ്രവര്‍ത്തിച്ച ധീരനായ വിപ്ലവ പോരാളിയെയാണ് അദ്ദേഹത്തിന്റെ വിയോഗത്തിലൂടെ നഷ്ടമായതെന്ന് യോഗം അനുസ്മരിച്ചു.

പി ടി കോയ അധ്യക്ഷത വഹിച്ചു. മുജീബ് പാനൂര്‍, നവാസ് ഐ സി എസ്, ബദറുദ്ദീന് ആദിക്കാട്ടുകുളങ്ങര, ഷഹുല്‍ഹമീദ് പള്ളിശ്ശേരിക്കല്‍, മഹബൂബ് കായംകുളം, സിദ്ദീഖ് പത്തടി, ഷരീഫ് ചവറ, അഷ്‌റഫ് മൈനാഗപ്പള്ളി, ഷാനവാസ് വെമ്പായം,റഫീഖ് പാനൂര്‍, ഷാജഹാന്‍ കൊട്ടുകാട്, ആലിക്കുട്ടി മഞ്ചേരി,സിദ്ദീഖ് പള്ളിശ്ശേരിക്കല്‍ സംസാരിച്ചു. ഷൗക്കത്ത് തൃശ്ശൂര്‍, യഹിയ മുട്ടയ്ക്കാവ്, അഷ്‌റഫ് ശാസ്താംകോട്ട സംസാരിച്ചു.