പൂപ്പത്തി: വാഹനാപകടത്തില്‍ മരിച്ചവരുടെ എണ്ണം രണ്ടായി; മൃതദേഹം കാണാന്‍ പോയവരുടെ ബൈക്കിടിച്ച് വയോധികനും മരിച്ചു

മാള: പൂപ്പത്തിയെ നടുക്കി വാഹനാപകങ്ങളില്‍ രണ്ട് മരണം.കൊടുങ്ങല്ലൂര്‍ ബൈപ്പാസില്‍ ഇരുചക്ര വാഹനങ്ങള്‍ തമ്മില്‍ കൂട്ടിയിടിച്ച്രണ്ടുപേര്‍ മരിച്ചതിന് പുറമെ സുഹൃത്തിന്റെ മൃതദേഹം കാണാന്‍ പോയ സുഹൃത്തുക്കളുടെ ബൈക്കിടിച്ച് വയോധികനും മരിച്ചതിന്റെ ഞെട്ടലിലാണ് പൂപ്പത്തി. കേരള വിഷന്‍ ബ്രോഡ്ബാന്‍ഡ് ടെക്‌നീഷ്യനായ പൂപ്പത്തി സ്വദേശി ആദിത്യന്‍ (19) സുഹൃത്ത് വിഷ്ണു (24) എന്നിവരാണ് രാവിലെ കൊടുങ്ങല്ലൂര്‍ ബൈപ്പാസില്‍ വെച്ച് വാഹനാപകടത്തില്‍ മരിച്ചത്.

ഇന്ന് രാവിലെഒന്‍പത് മണിയോടെ കൊടുങ്ങല്ലൂര്‍ ബൈപ്പാസില്‍ ടി കെ എസ് പുരം ക്ഷേത്രത്തിന് സമീപമാണ് അപകടം നടന്നത്. സര്‍വീസ് റോഡിലേക്ക് കയറി വന്ന ബൈക്കും വടക്കു ഭാഗത്ത് നിന്നു വരികയായിരുന്ന ബൈക്കും തമ്മില്‍ കൂട്ടി ഇടിക്കുയായിരുന്നു.

ഉടന്‍ തന്നെ ഇരുവരെയും അടുത്തുള്ള സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചു. മരിച്ച ആദിത്യന്‍ മൂത്തകുന്നം പോളിടെക്‌നിക് കോളേജ് വിദ്യാര്‍ത്ഥിയാണ്. വെക്കേഷന്‍ സമയങ്ങളില്‍ കേരള വിഷന്‍ ബ്രോഡ് ബാന്‍ഡ്മാള പൂപ്പത്തി മെട്രോ കേബിള്‍ നെറ്റ് വര്‍ക്കില്‍ ടെക്‌നീഷ്യനായി ജോലി ചെയ്തിരുന്നു.

ഇവരുടെ മരണവിവരം അറിഞ്ഞ് കാണാന്‍ പോയ സുഹൃത്തുക്കളുടെ വാഹനം അപകടത്തില്‍പ്പെട്ടാണ് കൊടുങ്ങല്ലൂര്‍ കൊടകര സംസ്ഥാന പാതയില്‍ കൃഷ്ണന്‍കോട്ടയില്‍വച്ച്മാളവലിയപറമ്പ് സ്വദേശി ഇല്ലത്തുപറമ്പില്‍ സുകുമാരന്‍ (67) മരിച്ചത്.

ഗുരുതര പരുക്കേറ്റ സുകുമാരനെ എറണാകുളത്തെ സ്വകാര്യആശുപത്രിയില്‍ എത്തിച്ചെങ്കിലും മരിച്ചു. കോട്ടപ്പുറം ചന്തയില്‍ പരലചരക്ക് കട നടത്തുകയാണ് സുകുമാരന്‍.

കൊടുങ്ങല്ലൂര്‍ പോലീസ് മേല്‍നടപടികള്‍ സ്വീകരിച്ചു.