സിനിമക്കെതിരേയുള്ള സംഘപരിവാര്‍ ആക്രമണത്തില്‍ പ്രതിഷേധിക്കുക: രശ്മി ഫിലിം സൊസൈറ്റി

മലപ്പുറം: കാലടി മണപ്പുറത്ത് മിന്നല്‍ല്‍ മുരളി എന്ന സിനിമയ്ക്കു നിര്‍മ്മിച്ച പള്ളിയുടെ സെറ്റ് അടിച്ചു തകര്‍ത്ത സംഘപരിവാറിന്റെ ഫാസിസ്റ്റ് നടപടിയില്‍ രശ്മി ഫിലിം സൊസൈറ്റി പ്രതിഷേധിച്ചു.

സ്വതന്ത്ര ചലച്ചിത്ര പ്രവര്‍ത്തനത്തിനും ആവിഷ്‌കാരത്തിനുമെതിരെയുള്ള സംഘപരിവാര്‍ അക്രമണം മതനിരപേക്ഷ സമൂഹം ഒറ്റക്കെട്ടായി എതിര്‍ക്കണം. ആസൂത്രിതമായുള്ള ഇത്തരം ഹീന പ്രവര്‍ത്തനങ്ങളെ ഒറ്റപ്പെടുത്താനും പ്രതിരോധിക്കാനും ചലച്ചിത്ര കൂട്ടായ്മകള്‍ മുന്നിലുണ്ടാവും. ജനാധിപത്യ കേരളം ഈ ആക്രമണത്തെ ഒറ്റക്കെട്ടായി ചെറുക്കേണ്ടതുണ്ടെന്നും പ്രസിഡണ്ട് മണമ്പൂര്‍ രാജന്‍ ബാബു, സെക്രട്ടറി അനില്‍.കെ.കുറുപ്പന്‍, ട്രഷറര്‍ വി.എം സുരേഷ് കുമാര്‍ പ്രസ്താവനയില്‍ ആവശ്യപ്പെട്ടു