പൂനെ ബസ് ബലാല്‍സംഗ കേസ്; പ്രതി ദത്താത്രയ ഗഡെ പിടിയില്‍

പൂനെ: പൂനെ ബസ് ബലാല്‍സംഗ കേസിലെ പ്രതി ദത്താത്രയ ഗഡെയെ പോലിസ് പിടിയില്‍. പൂനെയിലം ഷിരബരില്‍ നിന്നാണ് പ്രതിയെ പിടികൂടിയത്. പൂനെ ബസ് ബലാല്‍സംഗ കേസിലെ പ്രതിയുടെ രേഖ ചിത്രം ഇന്നലെ പോലിസ് പുറത്തുവിട്ടിരുന്നു. പ്രതിയായ കണ്ടെത്തുന്നതിനായി എട്ട് പ്രത്യേക സംഘങ്ങളായാണ് അന്വേഷണം നടത്തിയത്.

തിരക്കേറിയ സ്വാര്‍ഗേറ്റ് ബസ് സ്റ്റാന്‍ഡില്‍ പാര്‍ക്ക് ചെയ്തിരുന്ന ബസിനുള്ളില്‍, പോലിസ് സ്റ്റേഷനില്‍ നിന്ന് 100 മീറ്റര്‍ അകലെയാണ് യുവതിയെ പ്രതി ബലാല്‍സംഗം ചെയ്തത്. പൂനെയിലും, അഹല്യനഗര്‍ ജില്ലയിലുമായി മോഷണം, കവര്‍ച്ച, മാല മോഷണം തുടങ്ങി നിരവധി കേസുകളില്‍ പ്രതിയാണ് ദത്താത്രയ ഗഡെ.