11 വയസുകാരിയെ പീഡിപ്പിച്ച സ്കൂൾ ബസ് ക്ലീനർ അറസ്റ്റിൽ; പീ‍ഡനം തീയേറ്ററിൽ വെച്ച്

പാലക്കാട്: പാലക്കാട് ചിറ്റൂരിൽ 11 വയസുകാരിയെ പീഡിപ്പിച്ച 60കാരനായ സ്കൂൾ ബസ് ജീവനക്കാരൻ അറസ്റ്റിലായി. രാജഗോപാൽ എന്നയാളാണ് കുട്ടിയെ തീയേറ്ററിൽ കൊണ്ടുപോയി പീഡിപ്പിച്ചത്.

വണ്ടിത്താവളം സ്കൂൾ ബസിലെ ക്ലീനറാണ് രാജഗോപാലൻ. രണ്ടു മാസമായി ഇതേ ബസിലാണ് പെൺകുട്ടി സ്കൂളിൽ പോയിരുന്നത്. പെൺകുട്ടിയെ സിനിമയ്ക്ക് കൊണ്ടു പോകാമെന്ന് പറഞ്ഞാണ് രാജഗോപാലൻ സ്കൂളിൽ നിന്ന് കുട്ടിയെ കൊണ്ടുപോയത്.