'മതം വിദ്വേഷമല്ല, വിവേകമാണ്'; വെര്‍ച്വല്‍ സമ്മേളനം വെള്ളിയാഴ്ച്ച

ജിദ്ദ: ഇന്ത്യന്‍ ഇസ്‌ലാഹി സെന്റര്‍ സൗദി നാഷണല്‍ കമ്മറ്റി 'മതം വിദ്വേഷമല്ല, വിവേകമാണ്' എന്ന പ്രമേയത്തില്‍ സംഘടിപ്പിക്കുന്ന ത്രൈമാസ കാംപയ്‌നിന്റെ ഉദ്ഘാടനം വെള്ളിയാഴ്ച്ച സൗദി സമയം വൈകുന്നേരം 4.30ന് വെര്‍ച്വല്‍ സമ്മേളനമായി നടക്കും. കേരളാ നിയമസഭാ പ്രതിപക്ഷ നേതാവ് വി ഡി സതീശന്‍ ഉദ്ഘാടനം ചെയ്യും.

കെഎന്‍എം. സംസ്ഥാന പ്രസിഡന്റ് ടി പി അബ്ദുല്ലക്കോയ മദനി അധ്യക്ഷതവഹിക്കും. സാഹിത്യകാരന്‍ കെ പി രാമനുണ്ണി, താമരശ്ശേരി രൂപത ബിഷപ്പ് മാര്‍ റെമിജിയോസ് ഇഞ്ചിനാനിയില്‍, ശാന്തിഗിരി ആശ്രമം ജനറല്‍ സെക്രട്ടറി സ്വാമി ഗുരുരത്‌നം ജ്ഞാന തപസ്വി, കെഎന്‍എം. വൈസ്. പ്രസിഡന്റ് ഡോ. ഹുസൈന്‍ മടവൂര്‍, തുടങ്ങിയവര്‍ സംസാരിക്കും. മതം വിദ്വേഷമല്ല, വിവേകമാണ് എന്ന കാംപയ്ന്‍ പ്രമേയം നിച് ഓഫ് ട്രൂത്ത് ഡയറക്ടര്‍ എം എം അക്ബര്‍ വിശദീകരിക്കും.