ലൈംഗിക പീഡനക്കേസ്: മുന് സര്ക്കാര് പ്ലീഡര് പിജി മനു കീഴടങ്ങണം; മുന്കൂര് ജാമ്യാപേക്ഷ സുപ്രിം കോടതി തള്ളി
കീഴടങ്ങിയാല് മനുവിനെ മജിസ്ട്രേറ്റിന്റെ മുന്നില് ഹാജരാക്കണം. അതേ ദിവസം തന്നെ ജാമ്യപേക്ഷ പരിഗണിക്കാനും കോടതി നിര്ദേശിച്ചു. മുന്കൂര് ജാമ്യാപേക്ഷ തള്ളിയ ഹൈക്കോടതി ഉത്തരവിനെതിരെയാണ് പിജി മനു സുപ്രിം കോടതിയെ സമീപിച്ചത്.
![ലൈംഗിക പീഡനക്കേസ്: മുന് സര്ക്കാര് പ്ലീഡര് പിജി മനു കീഴടങ്ങണം; മുന്കൂര് ജാമ്യാപേക്ഷ സുപ്രിം കോടതി തള്ളി ലൈംഗിക പീഡനക്കേസ്: മുന് സര്ക്കാര് പ്ലീഡര് പിജി മനു കീഴടങ്ങണം; മുന്കൂര് ജാമ്യാപേക്ഷ സുപ്രിം കോടതി തള്ളി](https://www.thejasnews.com/h-upload/2024/01/29/217034-mathew.webp)
ന്യൂഡല്ഹി: ലൈംഗിക പീഡനക്കേസിലെ പ്രതിയായ മുന് സര്ക്കാര് പ്ലീഡര് പിജി മനുവിന്റെ മുന്കൂര് ജാമ്യാപേക്ഷ സുപ്രിം കോടതി തള്ളി. പിജി മനു പത്തു ദിവസത്തിനുള്ളില് കീഴടങ്ങണം. കീഴടങ്ങിയാല് മനുവിനെ മജിസ്ട്രേറ്റിന്റെ മുന്നില് ഹാജരാക്കണം. അതേ ദിവസം തന്നെ ജാമ്യപേക്ഷ പരിഗണിക്കാനും കോടതി നിര്ദേശിച്ചു. മുന്കൂര് ജാമ്യാപേക്ഷ തള്ളിയ ഹൈക്കോടതി ഉത്തരവിനെതിരെയാണ് പിജി മനു സുപ്രിം കോടതിയെ സമീപിച്ചത്. ജാമ്യാപേക്ഷയെ എതിര്ത്തുകൊണ്ട് അതിജീവിതയും സുപ്രിം കോടതിയില് തടസ്സഹര്ജി നല്കിയിരുന്നു. തന്റെ ഭാഗം കേള്ക്കാതെ തീരുമാനം എടുക്കരുതെന്നായിരുന്നു അതിജീവിതയുടെ ഹര്ജി. നിയമസഹായം തേടിയെത്തിയ യുവതിയെ ബലാത്സംഗം ചെയ്തെന്ന കേസിലാണ് പി ജി മനുവിനെതിരെ പോലിസ് കേസെടുത്തത്. നേരത്തെ കേസില് കീഴടങ്ങാന് പിജി മനുവിന് പത്തു ദിവസത്തെ സമയം ഹൈക്കോടതി അനുവദിച്ചിരുന്നു.സുപ്രിം കോടതിയെ സമീപിച്ചിട്ടുണ്ടെന്നും എന്നാല് കേസ് ലിസ്റ്റ് ചെയ്യാത്തതിനാല് കീഴടങ്ങാന് കൂടുതല് സമയം നല്കണമെന്നും ആവശ്യപ്പെട്ടുള്ള ഉപഹര്ജിയിലായിരുന്നു ഹൈക്കോടതി നേരത്തെ കീഴടങ്ങാന് സമയം അനുവദിച്ചിരുന്നത്. ഇതിനിടെയാണ് സുപ്രിം കോടതിയില് ഹൈക്കോടതി ഉത്തരവിനെതിരെ ഹര്ജി നല്കിയത്. പെണ്കുട്ടിയെ പരിശോധിച്ച ഡോക്ടറുടെ റിപ്പോര്ട്ട് പരിശോധിച്ച ഹൈക്കോടതി പ്രതി ഗുരുതര കുറ്റകൃത്യമാണ് നടത്തിയതെന്ന് ചൂണ്ടിക്കാട്ടിയാണ് മുന്കൂര് ജാമ്യാപേക്ഷ തള്ളിയത്.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTബലാത്സംഗക്കേസ്; മുകേഷിന്റെ മുന്കൂര് ജാമ്യം റദ്ദാക്കണമെന്ന്...
7 Sep 2024 12:42 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT