കോട്ടയം മെഡിക്കല്‍ കോളജില്‍ തെരുവ് നായയുടെ ആക്രമണം; മൂന്നുപേര്‍ക്ക് പരിക്ക്

കോട്ടയം: കോട്ടയം മെഡിക്കല്‍ കോളജ് ആശുപത്രിയില്‍ തെരുവ് നായയുടെ ആക്രമണം. ഡോക്ടറും ജീവനക്കാരിയും ഉള്‍പ്പടെ മൂന്നുപേര്‍ക്ക് കടിയേറ്റു. ആരുടെയും പരിക്ക് ഗുരുതരമല്ല. ഇവര്‍ പ്രതിരോധ വാക്‌സിന്‍ സ്വീകരിച്ചു. കോട്ടയം മെഡിക്കല്‍ കോളജ് പരിസരപ്രദേശങ്ങളില്‍ തെരുവ് നായ ശല്യം രൂക്ഷമാണെന്ന് മുമ്പും പരാതി ഉയര്‍ന്നിരുന്നുവെങ്കിലും കാര്യമായ നടപടികളൊന്നുമുണ്ടായിട്ടില്ല.