കോട്ടയത്ത് വെള്ളക്കെട്ടില്‍ വീണ് കാണാതായ വിദ്യാര്‍ഥിയുടെ മൃതദേഹം കണ്ടെത്തി

കോട്ടയം: മണര്‍കാട് കനത്ത മഴയില്‍ വെള്ളം നിറഞ്ഞുകിടന്ന പാടശേഖരത്തിന് സമീപം റബര്‍ തോട്ടത്തിലെ വെള്ളക്കെട്ടില്‍ വീണ് വിദ്യാര്‍ഥി മരിച്ചു. മണര്‍കാട് കാവുംപടി മേത്താപറമ്പുപടിക്ക് സമീപം പണ്ടാരത്തിക്കുന്നേല്‍ മാത്യു ടി കുര്യന്റെ (ബെന്നി) മകന്‍ അമല്‍ മാത്യു (16)വാണ് മരിച്ചത്. ബുധനാഴ്ച ഉച്ചകഴിഞ്ഞ് മൂന്നരയോടെയായിരുന്നു സംഭവം.

കോട്ടയത്തുനിന്നും അഗ്‌നിരക്ഷാസേനയുടെ സ്‌കൂബാ സംഘം സംഭവസ്ഥലത്തെത്തി ഒരുമണിക്കൂറോളം നടത്തിയ തിരച്ചിലിലാണ് മൃതദേഹം കണ്ടെത്തിയത്. സുഹൃത്തുക്കളായ അഞ്ചംഗ സംഘത്തോടൊപ്പം പാടശേഖരത്ത് കുളിക്കുന്നതിനിടെയാണ് ജോയല്‍ അപകടത്തില്‍പ്പെട്ടത്. പോലിസും അഗ്‌നിശമനസേനയും നാട്ടുകാരും ചേര്‍ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്.