തലശ്ശേരി ഇരട്ടക്കൊലപാതകം: മൂന്നുപേര് കസ്റ്റഡിയില്; മുഖ്യപ്രതിക്കായി തിരച്ചില്
![തലശ്ശേരി ഇരട്ടക്കൊലപാതകം: മൂന്നുപേര് കസ്റ്റഡിയില്; മുഖ്യപ്രതിക്കായി തിരച്ചില് തലശ്ശേരി ഇരട്ടക്കൊലപാതകം: മൂന്നുപേര് കസ്റ്റഡിയില്; മുഖ്യപ്രതിക്കായി തിരച്ചില്](https://www.thejasnews.com/h-upload/2022/11/24/208464-murdd.jpg)
കണ്ണൂര്: ലഹരി മാഫിയാ സംഘത്തെ ചോദ്യംചെയ്തതിനെ തുടര്ന്നുണ്ടായ തര്ക്കത്തിനിടെ തലശ്ശേരിയില് സിപിഎം നേതാവ് ഉള്പ്പെടെ രണ്ടുപേരെ വെട്ടിക്കൊലപ്പെടുത്തിയ കേസില് മൂന്നുപേര് കസ്റ്റഡിയില്. തലശ്ശേരി സ്വദേശികളായ ജാക്സണ്, ഫര്ഹാന്, നവീന് എന്നിവരെയാണ് പോലിസ് കസ്റ്റഡിയിലെടുത്തത്. മുഖ്യപ്രതി പാറായി ബാബുവിനായി ഊര്ജിതമായ തിരച്ചിലാണ് നടക്കുന്നത്. കൊലപാതകം ലഹരി വില്പ്പന തടഞ്ഞതിനുള്ള വിരോധ മൂലമെന്ന് പോലിസ് പറയുന്നു.
തലശ്ശേരി നെട്ടൂര് ഇല്ലിക്കുന്ന് ത്രിവര്ണ ഹൗസില് കെ ഖാലിദ് (52), സഹോദരീ ഭര്ത്താവും സിപിഎം നെട്ടൂര് ബ്രാഞ്ച് അംഗവുമായ നെട്ടൂര് പൂവനാഴി വീട്ടില് ഷമീര് (40) എന്നിവരാണു കൊല്ലപ്പെട്ടത്. സാരമായി പരിക്കേറ്റ ഇവരുടെ സുഹൃത്ത് നിട്ടൂര് സാറാസ് വീട്ടില് ഷാനിബിനെ (29) തലശേരി സഹകരണ ആശുപത്രിയില് പ്രവേശിപ്പിച്ചു. ലഹരി വില്പ്പന ചോദ്യം ചെയ്ത ഷമീറിന്റെ മകന് ഷബീലിനെ (20) ബുധനാഴ്ച ഉച്ചയ്ക്ക് നെട്ടൂര് ചിറക്കക്കാവിനടുത്ത് ആക്രമിച്ചിരുന്നു.
പരിക്കേറ്റ ഷബീലിനെ സഹകരണ ആശുപത്രിയില് പ്രവേശിപ്പിച്ചതറിഞ്ഞ് അനുരഞ്ജനത്തിനെന്ന വ്യാജേന എത്തിയ ലഹരി മാഫിയ സംഘം ഖാലിദ് അടക്കമുള്ളവരെ ആക്രമിക്കുകയായിരുന്നുവെന്ന് സിപിഎം കേന്ദ്രങ്ങള് പറയുന്നു. ഖാലിദ് സംഭവസ്ഥലത്തുതന്നെ മരിച്ചു. തടയാന് ശ്രമിച്ച ഷമീര്, ഷാനിബ് എന്നിവരെയും മാരകായുധങ്ങളുമായി ആക്രമിച്ചു. ശരീരമാസകലം വെട്ടേറ്റ ഷമീറിനെ കോഴിക്കോട്ടെ സ്വകാര്യാശുപത്രിയിലെത്തിച്ചെങ്കിലും രാത്രിയോടെ മരണപ്പെട്ടു.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMTസിവില് സര്വീസ് പരീക്ഷാ തട്ടിപ്പ്; പൂജ ഖേദ്കറെ സര്വീസില് നിന്ന്...
7 Sep 2024 2:39 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT