കനേഡിയന്‍ കൊവിഡ് വാക്‌സിന്‍ ഹൈദരാബാദില്‍ നിര്‍മിക്കും

ഹൈദരാബാദ്: കനേഡിയന്‍ കമ്പനിയുടെ എംആര്‍എന്‍എ കൊവിഡ് -19 വാക്‌സിന്‍ ഇന്ത്യയില്‍ നിര്‍മ്മിക്കുന്നതിനായി നിര്‍മ്മാതാക്കളായ പ്രൊവിഡന്‍സ് തെറാപ്പിറ്റിക്‌സ് ഹോള്‍ഡിംഗ്‌സുമായി കരാറില്‍ ഏര്‍പ്പെട്ടതായി ഹൈദരാബാദ് ആസ്ഥാനമായുള്ള ബയോളജിക്കല്‍ ഇ. കമ്പനി അറിയിച്ചു.

പ്രതിവര്‍ഷം 60 കോടി ഡോസ് ജോണ്‍സണ്‍ ആന്റ് ജോണ്‍സന്റെ കൊവിഡ് -19 വാക്‌സിന്‍ ഉത്പാദിപ്പിക്കാന്‍ ബയോളജിക്കല്‍ ഇ.ക്ക് നിലവില്‍ കരാറുണ്ട്. പ്രൊവിഡന്‍സിന്റെ വാക്സിന്‍ സംബന്ധിച്ച് ഇന്ത്യയില്‍ ക്ലിനിക്കല്‍ ട്രയല്‍ നടത്തുമെന്നും അതിന് അടിയന്തര ഉപയോഗ അനുമതി തേടുമെന്നും കമ്പനി പ്രസ്താവനയില്‍ പറഞ്ഞു. .

പ്രൊവിഡന്‍സ് അതിന്റെ എംആര്‍എന്‍എ വാക്‌സിന്‍, പിടിഎക്‌സ്-സിവിഡി 19-ബി, ബയോളജിക്കല്‍ ഇയിലേക്ക് 30 ദശലക്ഷം ഡോസ് വരെ വില്‍ക്കും, കൂടാതെ 2022 ല്‍ കുറഞ്ഞത് 60 കോടി ഡോസ് ഉല്‍പാദന ശേഷി കൈവരിക്കുന്നതിന് ആവശ്യമായ സാങ്കേതിക കൈമാറ്റവും നല്‍കും. ഇടപാടിന്റെ സാമ്പത്തിക വിശദാംശങ്ങള്‍ ഇരു കമ്പനികളും വെളിപ്പെടുത്തിയിട്ടില്ല.