കോട്ടയം - നിലമ്പൂര്‍ -കോട്ടയം റിസര്‍വ്ഡ് സ്‌പെഷ്യല്‍ എക്‌സ്പ്രസ്സ് ഒക്ടോബര്‍ 7ന് ഓടിത്തുടങ്ങും

പെരിന്തല്‍മണ്ണ: കോട്ടയം - നിലമ്പൂര്‍ -കോട്ടയം റിസര്‍വ്ഡ് സ്‌പെഷ്യല്‍ എക്‌സ്പ്രസ്സിന് പച്ചക്കൊടി.ഒക്ടോബര്‍ 7ന് ആദ്യ സര്‍വ്വീസ് ആരംഭിക്കും.കൊവിഡിനെ തുടര്‍ന്ന് നിലമ്പൂര്‍ ഷൊര്‍ണൂര്‍ റൂട്ടില്‍ ട്രെയിന്‍ സര്‍വ്വീസ് മുടങ്ങിയതായിരുന്നു.

കോട്ടയത്ത് നിന്ന് കാലത്ത് 05.15ന് പുറപ്പെടും.06.40 ന് എറണാകുളം ടൗണില്‍ എത്തി 06.45 ന് പുറപ്പെട്ട് 10.10ന് ഷെര്‍ണൂര്‍ എത്തും. 10.20ന് ഷൊറണൂരില്‍ നിന്നും പുറപ്പെട്ട് 11.45 ന് നിലമ്പൂരിലെത്തും.

തിരിച്ച് 15.10 ന് നിലമ്പൂര്‍ വിട്ട് 16.40ന് ഷൊര്‍ണൂരിലെത്തും. 16.50ന് ഷൊര്‍ണൂരില്‍ നിന്നും പുറപ്പെടും. 20.05 ന് എറണാകുളം ടൗണിലും 22.15ന് കോട്ടയത്തും എത്തും.