അതിരപ്പിള്ളി-തുമ്പൂര്‍മുഴി മഴയാത്ര നാളെ മുതല്‍

തൃശൂര്‍: അതിരപ്പിളളി വാഴച്ചാല്‍ തുമ്പൂര്‍മുഴി ഡി എം സി യുടെ മണ്‍സൂണ്‍ ട്രിപ്പ് മഴയാത്ര നാളെ മുതല്‍. കോവിഡ് വ്യാപനത്തെ തുടര്‍ന്ന് രണ്ട് വര്‍ഷമായി നിര്‍ത്തിവച്ചിരുന്ന യാത്രയാണ് പുനരാരംഭിക്കുന്നത്. രാവിലെ 8 മണിക്ക് ചാലക്കുടി പി ഡബ്ല്യൂ ഡി റസ്റ്റ് ഹൗസില്‍ നിന്ന് ആരംഭിച്ച് വൈകീട്ട് 7.30ന് അവസാനിക്കുന്ന തരത്തിലാണ് യാത്ര ക്രമീകരിച്ചിരിക്കുന്നത്.

തുമ്പൂര്‍മുഴി ബട്ടര്‍ ഫ്‌ലൈ ഗാര്‍ഡന്‍ അതിരപ്പിള്ളി, വാഴച്ചാല്‍, പെരിങ്ങല്‍കുത്ത്, ലോവര്‍ ഷോളയാര്‍ ഡാം എന്നീ സ്ഥലങ്ങള്‍ സന്ദര്‍ശിക്കുന്നതിനും ആസ്വദിക്കുന്നതിനുമുള്ള അവസരമാണ് മഴയാത്രയിലൂടെ ലഭിക്കുന്നത്.

പ്രഭാത ഭക്ഷണം, ഉച്ചഭക്ഷണം, വൈകുന്നേരത്തെ ഭക്ഷണം, കരിപ്പെട്ടി കാപ്പി എന്നിവയും യാത്രയില്‍ ഉള്‍പ്പെടുത്തിയിട്ടുണ്ട്. ഒരാള്‍ക്ക് 1500 രൂപയാണ് ചാര്‍ജ്. യാത്രക്കായി മുന്‍കൂട്ടി ബുക്ക് ചെയ്യണം. ബുക്കിങ്ങിന് 9497069888, 0480 2769888 എന്നീ നമ്പറുകളില്‍ ബന്ധപ്പെടാം. മഴയാത്രയുടെ ഉദ്ഘാടനം സനീഷ് കുമാര്‍ ജോസഫ് എംഎല്‍എ നിര്‍വഹിക്കും.