സംസ്ഥാന സർക്കാറിൻ്റെ വാർഷിക ആഘോഷങ്ങൾക്ക് ചെലവഴിക്കുന്നത് 20 കോടിയിലേറെ തുക

തിരുവനന്തപുരം: സംസ്ഥാനസർക്കാരിന്റെ നാലാംവാർഷിക ആഘോഷങ്ങൾക്ക് ഓരോ ജില്ലയിലും ഒന്നരക്കോടി വെച്ച് 20 കോടിയിലേറെയുള്ള ചെലവിന് പണം നൽകുന്നത് കിഫ്ബി . പന്തലും പ്രദർശനശാലകളും കെട്ടാനാണ് പണം നൽകുന്നത്. കിഫ്ബി. വികസനപ്രവർത്തനങ്ങൾക്ക് കിഫ്ബി സമാഹരിക്കുന്ന പണത്തിൽനിന്നാണ് ആഘോഷങ്ങൾക്കുള്ള ചിലവ് മാറ്റി വെക്കുന്നതെന്നാണ് വിവരം.

എൻ്റെ കേരളം പ്രദർശനത്തിൻ്റെ ഭാഗമായി എഴു ദിവസം നീണ്ടു നിൽക്കുന്ന പ്രചരണത്തിനും മറ്റുമായി സർക്കാർ സ്ഥാപനങ്ങളും ചെലവ് വഹിക്കണം. പ്രചാരണത്തിനും മറ്റു ചെലവുകൾക്കുമായി പബ്ലിക് റിലേഷൻ വകുപ്പ് 27 കോടി രൂപ നേരത്തേ അനുവദിച്ചിട്ടുണ്ട് .

തിങ്കളാഴ്ച വാർഷികാഘോഷത്തിന് തുടക്കം കുറിക്കുന്ന കാസർകോട് 48,000 ചതുരശ്രയടി പന്തലാണ് തയ്യാറാക്കിയത്. പന്തലിനുള്ള ടെൻഡർ ക്ഷണിക്കുന്നതും കരാറുകാരെ കണ്ടെത്തുന്നതും ഊരാളുങ്കൽ ലേബർ സൊസൈറ്റിയുടെ കീഴിലുള്ള കൊല്ലം ചവറയിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫ്രാസ്ട്രക്ചർ ആൻഡ് കൺസ്ട്രക്‌ഷനാണ്.