ക്വാറിയിലെ വെള്ളകെട്ടില്‍ വിദ്യാര്‍ത്ഥി മുങ്ങിമരിച്ചു

കോഴിക്കോട്: വീടിനടുത്തുള്ള കരിങ്കല്‍ ക്വാറിയിലെ വെള്ളകെട്ടില്‍ വിദ്യാര്‍ത്ഥി മുങ്ങിമരിച്ചു.പെരുമണ്ണ പാറമ്മല്‍ അഭിലാഷിന്റെ മകനും കുന്ദമംഗലം ഹൈസ്‌കൂളിലെ പത്താംതരം വിദ്യാര്‍ത്ഥിയുമായ ആദര്‍ശ് (15) ആണ് മരിച്ചത്. അമ്മയും അമ്മമ്മയും ആശുപത്രിയില്‍ പോയ നേരത്ത് സഹോദരനും സുഹൃത്തുക്കള്‍ക്കുമൊപ്പം ക്വാറിയിലെ വെള്ളക്കെട്ട് കാണാന്‍ പോയതായിരുന്നു ആദര്‍ശ്.

പിന്നീട് കുളിക്കാന്‍ ഇറങ്ങി. കുളിക്കുന്നതിനിടെയാണ് അപകടം സംഭവിച്ചത്. കുട്ടികളുടെ കരച്ചില്‍ കേട്ട് സമീപത്തെ തൊഴിലാളികള്‍ എത്തി ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.