കൊവിഡിനെതിരായ പോരാട്ടത്തിന് സുദാനിന് തുര്‍ക്കിയുടെ വൈദ്യസഹായം

ആങ്കറ: പരസ്പര ധാരണ പ്രകാരം തുര്‍ക്കി സുദാനിലേക്ക് വൈദ്യസഹായം എത്തിക്കുമെന്ന് തുര്‍ക്കി ഔദ്യോഗിക വൃത്തങ്ങള്‍ അറിയിച്ചു. ആരോഗ്യ മേഖലയിലെ പരസ്പര സഹകരണം സംബന്ധിച്ച് തുര്‍ക്കി സര്‍ക്കാരും സുഡാന്‍ സര്‍ക്കാരും തമ്മില്‍ ജൂണ്‍ 17ന് തുര്‍ക്കി തലസ്ഥാനമായ ആങ്കറയില്‍ ഒപ്പുവച്ചിരുന്നു.

കരാറിന്റെ ഭാഗമായി 50 വെന്റിലേറ്ററുകള്‍, 100,000 സര്‍ജിക്കല്‍ മാസ്‌കുകള്‍, 50,000 എന്‍ 95 ടൈപ്പ് മാസ്‌കുകള്‍, 50,000 സംരക്ഷണ കവറുകള്‍ എന്നിവ ഉള്‍പ്പെടെയുള്ള മെഡിക്കല്‍ ഉപകരണങ്ങള്‍ തുര്‍ക്കി സംഭാവന ചെയ്യും.