മധുരയിലെ വനിതാ ഹോസ്റ്റലിന് തീപിടിച്ച് രണ്ട് സ്ത്രീകള്‍ മരിച്ചു

ചെന്നെ: മധുര പെരിയാര്‍ ബസ് സ്റ്റാന്റിനു സമീപമുള്ള കടാരപാളയത്തെ വനിതാ ഹോസ്റ്റലിന് തീപിടിച്ച് രണ്ട് സ്ത്രീകള്‍ മരിച്ചു. പരിമള, ശരണ്യ എന്നിവരാണ് മരിച്ചത്. തീ ഉയര്‍ന്നപ്പോള്‍ ഉണ്ടായ അമിതമായ പുകയില്‍ ശ്വാസ തടസ്സം അനുഭവപ്പെട്ടതിനെ തുടര്‍ന്നാണ് മരണമന്നാണ് പ്രാഥമിക നിഗമനം. തീപിടിത്തത്തില്‍ 5 പേര്‍ക്ക് പൊള്ളലേറ്റു. ഹോസ്റ്റലിലെ റഫ്രിജറേറ്റര്‍ പൊട്ടിത്തെറിച്ചതാണ് അപകടകാരണം. തീപിടിത്തത്തില്‍ പൊള്ളലേറ്റവര്‍ നിലവില്‍ ചികില്‍സയിലാണ്. ഇന്ന് രാവിലെയാണ് ഹോസ്റ്റലില്‍ നിന്ന് പുക ഉയരുന്നതായി കണ്ടതെന്ന് സമീപവാസികള്‍ പറയുന്നു. തുടര്‍ന്ന് വലിയ തരത്തില്‍ തീ പടരുകയായുരുന്നു. സംഭവത്തെതുടര്‍ന്ന് സ്ഥലത്തെത്തിയ ഫയര്‍ഫോഴ്‌സ് തീ അണക്കുകയായിരുന്നു.