പേട്ടയിലെ രണ്ടുവയസ്സുകാരിയെ കണ്ടെത്തിയെങ്കിലും ദുരൂഹത മാറ്റാനാവാതെ പോലിസ്
![പേട്ടയിലെ രണ്ടുവയസ്സുകാരിയെ കണ്ടെത്തിയെങ്കിലും ദുരൂഹത മാറ്റാനാവാതെ പോലിസ് പേട്ടയിലെ രണ്ടുവയസ്സുകാരിയെ കണ്ടെത്തിയെങ്കിലും ദുരൂഹത മാറ്റാനാവാതെ പോലിസ്](https://www.thejasnews.com/h-upload/2024/02/20/217617-petta-missing.webp)
തിരുവനന്തപുരം: രണ്ടു വയസുകാരിയെ കാണാതായ സംഭവത്തില് ദുരൂഹതകള് ബാക്കി. ഇന്നലെ രാത്രി 7.30 ഓടെ കൊച്ചുവേളി റെയില്വെ സ്റ്റേഷന് സമീപത്തുനിന്നു കണ്ടെത്തിയെങ്കിലും കുട്ടി ഇവിടെ എങ്ങനെയെത്തി എന്നത് സംബന്ധിച്ച് ഇതുവരെ വ്യക്തതയില്ല. കുട്ടിയുടെ ശരീരത്തില് കാര്യമായ പോറലൊന്നുമില്ലാത്തതിനാല് ആരെങ്കിലും ഉപേക്ഷിച്ചതാവാമെന്ന നിഗമനത്തിലാണ് പോലീസ്. ഇവരെ കുറിച്ചുള്ള സൂചന പോലിസിന് ലഭിച്ചതായി പറയുന്നു. ഈ വിഷയത്തില് കൂടുതല് വെളിപ്പെടുത്തല് നടത്താന് പോലിസ് തയാറായിട്ടില്ല. പ്രതിയെക്കുറിച്ചുള്ള വിവരം ലഭിച്ചിട്ടുണ്ടെന്ന് മാത്രമാണ്പോലിസ് നല്കുന്ന വിവരം. വിശദ വിവരങ്ങള്ക്ക് ശാസ്ത്രീയ പരിശോധന നടത്താനാണ് പോലിസ് നീക്കം. സംഭവം നടന്ന ചാക്ക - ഓള് സെയിൻ്റ്സ് ഭാഗത്തെ സിസിടിവികള് പരിശോധിക്കുന്നത് തുടരും. കുഞ്ഞിെന്റെ സഹോദരന്റെ മൊഴിയില് പറഞ്ഞ മഞ്ഞ സ്കൂട്ടറിനെ കുറിച്ചും അന്വേഷണം തുടരാനാണ് പോലിസ് തീരുമാനം.
മറ്റ് ആരോഗ്യപ്രശ്നങ്ങൾ ഇല്ലെങ്കിലും കുട്ടിയുടെ മാനസിക ആരോഗ്യവും വീണ്ടെടുക്കേണ്ടതുണ്ടെന്നാണ് ഡോക്ടര്മാര് പറയുന്നത്. കുഞ്ഞ് ഭയന്നിട്ടുണ്ട്. കൂടുതൽ സംസാരിക്കാത്ത സ്ഥിതിയുണ്ട്. പീഡിയാട്രിക് ഗൈനക്കോളജി, പീഡിയാട്രിക് മെഡിസിൻ, പീഡിയാട്രിക് സർജറി എന്നീ വിഭാഗങ്ങളിലെ വിദഗ്ദ്ധര് കുഞ്ഞിനെ പരിശോധിച്ചു. ആഹാരം കഴിക്കാത്ത പ്രശ്നങ്ങൾ മാത്രമാണ് കുഞ്ഞിനുള്ളതെന്ന് കുട്ടിയെ ആശുപത്രിയിലെത്തി സന്ദര്ശിച്ച മന്ത്രി വീണ ജോര്ജ്ജും പറഞ്ഞു. കുട്ടിയുടെ സംരക്ഷണം ഉറപ്പാക്കും. കുട്ടിയുടെയും സഹോദരങ്ങളുടെയും സംരക്ഷണം സംബന്ധിച്ച് ആശയ വിനിമയം നടത്തും. മികച്ച നിലയിൽ അന്വേഷണം നടത്തി കുട്ടിയെ കണ്ടെത്തിയ കേരളാ പോലിസിനെ അഭിനന്ദിക്കുന്നതായും ആരോഗ്യ വകുപ്പ് മന്ത്രി പുറത്തിറക്കിയ വാര്ത്താക്കുറിപ്പിൽ പറഞ്ഞു.
RELATED STORIES
ആര്എസ്എസ് ക്യാംപിലെത്തി, ജനറല് സെക്രട്ടറിയുമായി ചർച്ച നടത്തി;...
7 Sep 2024 4:58 AM GMT'കശ്മീരി സ്ത്രീയുമായി ബന്ധം, എയര്ഹോസ്റ്റസുമാരുമായി പ്രണയം';...
6 Sep 2024 3:52 PM GMTഅസം മുഖ്യമന്ത്രിയുടെ വര്ഗീയ വിദ്വേഷ പ്രവര്ത്തനങ്ങള് നിയന്ത്രിക്കണം: ...
6 Sep 2024 6:26 AM GMTപോലിസിലെ ഉന്നതര് ബലാല്സംഗം ചെയ്തു; ഞെട്ടിക്കുന്ന വെളിപ്പെടുത്തലുമായി ...
6 Sep 2024 4:52 AM GMTഒടുവില് എസ്പി തെറിച്ചു; പത്തനംതിട്ട എസ് പി സുജിത്ത് ദാസിന്...
5 Sep 2024 3:38 PM GMTകൊടിഞ്ഞി ഫൈസല് വധം: അഡ്വ. പി ജി മാത്യു സ്പെഷ്യല് പബ്ലിക്...
5 Sep 2024 1:09 PM GMT