യുക്രെെനെതിരേയുള്ള റഷ്യൻ ആക്രമണം; 30 ദിവസത്തേക്ക് നിർത്തണമെന്ന് വ്ലാദിമർ സെലൻസ്കി

യുക്രൈൻ: യുക്രൈനെതിരേയുള്ള റഷ്യയുടെ ആക്രമണം ഒരു മാസത്തേക്ക് നിർത്തി വയ്ക്കാൻ ആവശ്യപ്പെട്ട് യുക്രൈൻ പ്രസിഡൻ്റ് വ്ലാദിമർ സെലൻസ്കി . അടിസ്ഥാന സൗകര്യങ്ങൾ തകർക്കും വിധമുള്ള മിസൈൽ, ഡ്രോൺ ആക്രമണങ്ങൾ 30 ദിവസത്തേക്ക് നിർത്തി വക്കാനാണ് ആവശ്യം. എക്സിലൂടെയാണ് പ്രസിഡൻ്റ് വ്ലാദിമർ സെലൻസ്കി റഷ്യയോടുള്ള ആവശ്യം മുന്നോട്ടു വച്ചത്.

'റഷ്യ അത്തരമൊരു നടപടിക്ക് സമ്മതിച്ചില്ലെങ്കിൽ, മനുഷ്യജീവിതങ്ങളെ നശിപ്പിക്കുന്നതും യുദ്ധം നീട്ടിക്കൊണ്ടുപോകുന്നതുമായ കാര്യങ്ങൾ മാത്രമേ അവർ തുടർന്നും ചെയ്യാൻ ഉദ്ദേശിക്കുന്നുള്ളൂ എന്നതിന്റെ തെളിവായിരിക്കും അത്' സെലൻസ്കി പറഞ്ഞു.

അതേസമയം, വിഷയത്തിൽ റഷ്യ ഇതുവരെയും പ്രതികരണങ്ങൾ ഒന്നും നടത്തിയിട്ടില്ലെന്നാണ് റിപോർട്ടുകൾ