കോഴിക്കോട് മെഡിക്കല്‍ കോളജിന് സമീപത്തെ അഴുക്ക്ചാലില്‍ അജ്ഞാത മൃതദേഹം

കോഴിക്കോട്: കോഴിക്കോട് മെഡിക്കല്‍ കോളജിന് സമീപത്തെ അഴുക്ക്ചാലില്‍ അജ്ഞാത മൃതദേഹം കണ്ടെത്തി. ആശുപത്രിയിലെ എട്ടാം വാര്‍ഡിന് പിന്നിലുള്ള അഴുക്ക്ചാലിലാണ് അഴുകിയ നിലയില്‍ മൃതദേഹം കണ്ടെത്തിയത്. മൃതദേഹം തിരിച്ചറിയാനാവാത്ത വിധത്തില്‍ അഴുകിയതിനാല്‍ മരിച്ചത് ആണാണോ പെണ്ണാണോ എന്ന് കണ്ടെത്താനായിട്ടില്ല.

സാധാരണ ആളുകള്‍ എത്തിപ്പെടാത്ത ഭാഗത്താണ് മൃതദേഹം കിടന്നിരുന്നത്. വാര്‍ഡില്‍ ചികിത്സയിലുള്ള ആള്‍ക്ക് കൂട്ടിരിക്കുന്ന വ്യക്തി മാലിന്യം ഒഴിവാക്കാന്‍ പോയപ്പോഴാണ് മൃതദേഹം കണ്ടത്. സംഭവത്തില്‍ മെഡിക്കല്‍ കോളജ് പോലിസ് അന്വേഷണം തുടങ്ങി.