പ്രശസ്ത അമേരിക്കന്‍ ടോക്ക് ഷോ അവതാരകന്‍ ലാറി കിങ് അന്തരിച്ചു

ലോസ് ഏഞ്ജല്‍സ്: പ്രശസ്ത അമേരിക്കന്‍ ടോക്ക് ഷോ അവതാരകന്‍ ലാറി കിങ് (87) അന്തരിച്ചു. കൊവിഡ് ചികിത്സയിലിരിക്കെയാണ് അന്ത്യം. കൊവിഡ് ബാധിച്ചതിനെ തുടര്‍ന്ന് ഡിസംബരില്‍ ലാറി കിങിനെ ലോസ് ഏഞ്ചല്‍സിലെ ആശുപത്രിയില്‍ ചികിത്സയിലായിരുന്നു. ടൈപ്പ് 2 പ്രമേഹരോ?ഗമുണ്ടായിരുന്ന ലാറി കിങിന് ശ്വാസകോശാര്‍ബു?ദവും ഉണ്ടായിരുന്നു.

ചുരുട്ടി വെച്ച ഷര്‍ട്ടിന്റെ കൈകളുമായി പല നിറത്തിലുള്ള ടൈകളും സസ്പെന്‍ഡേഴ്സും വലിപ്പമേറിയ കണ്ണടകളും ധരിച്ചെത്തുന്ന ലാറി കിങ് അമേരിക്കന്‍ ടെലിവിഷന്‍ മാധ്യമരംഗത്തെ ഏറ്റവും ശ്രദ്ധ നേടിയ അവതാരകനാണ്. യാസര്‍ അറാഫത്ത്, നെല്‍സണ്‍ മണ്ടേല, വ്ളാഡിമിര്‍ പുടിന്‍ ഡോണള്‍ഡ് ട്രംപ് തുടങ്ങിയ ലോക നേതാക്കളുമായി ലാറി നടത്തിയ അഭിമുഖങ്ങള്‍ ഏറെ ശ്രദ്ധേയമായിരുന്നു. 2010 ല്‍ സിഎന്‍എന്നില്‍ നിന്ന് വിരമിക്കുന്നതുവരെ 25 കൊല്ലത്തോളം തുടര്‍ച്ചയായി അവതരിപ്പിച്ച 'ലാറി കിങ് ലൈവ്'ഏറെ പ്രേക്ഷകരുള്ള പരിപാടിയായിരുന്നു. അതിന് ശേഷം സ്വന്തമായി വെബ്സൈറ്റ് ആരംഭിച്ച ലാറി 2012 ല്‍ അദ്ദേഹത്തിന്റെ തന്നെ പങ്കാളിത്തത്തോടെ ആരംഭിച്ച ഓറ ടിവിയില്‍ 'ലാറ കിങ് നൗ' എന്ന പരിപാടി അവതരിപ്പിച്ചിരുന്നു.

1933-ല്‍ ബ്രൂക്ക്‌ലിനില്‍ ഒരു യാഥാസ്ഥിതിക ജൂത കുടുംബത്തിലാണ് ലാറി കിംഗ് ജനിച്ചത്. ഒരു റസ്റ്റോറന്റ് ഉടമയായിരുന്ന ആരോണ്‍ ആയിരുന്നു അച്ഛന്‍. ലിത്വാനിയന്‍ സ്വദേശിനിയായിരുന്ന ജെന്നിയായിരുന്നു അമ്മ. റേഡിയോയില്‍ ഒരു ജോലിയെന്നതായിരുന്നു ലാറി. ഫ്‌ലോറിഡയിലെ മിയാമി ബീച്ചില്‍ 1957-ല്‍ ഒരു മോണിംഗ് ഡിജെയില്‍ ജോലി കിട്ടിയതാണ് തുടക്കം. അവിടെ നിന്ന് നാഷണല്‍ ബ്രോഡ്കാസ്റ്റിംഗിലേക്ക്, പിന്നീട് സൗമ്യമായ അഭിമുഖങ്ങളുടെ ലോകത്തേക്കും എത്തിപെട്ടു. 1985-ല്‍ കിങ് സിഎന്‍എന്നിലെത്തുന്നത്.പിന്നീട് സ്വന്തമായി ഒരു ടിവി തുടങ്ങി. പേര് ഓറ ടിവി.