വടക്കാഞ്ചേരി ലൈഫ് മിഷന്‍ ഫ് ളാറ്റ് തട്ടിപ്പ്: മുഖ്യമന്ത്രിക്കെതിരായ തെളിവുകള്‍ ഇന്ന് പുറത്തുവിടുമെന്ന് അനില്‍ അക്കര

തൃശൂര്‍: വിവാദമായ വടക്കാഞ്ചേരി ലൈഫ് മിഷന്‍ ഫ് ളാറ്റ് തട്ടിപ്പ് കേസില്‍ മുഖ്യമന്ത്രി പിണറായി വിജയനെതിരേയുള്ള തെളിവുകള്‍ ഇന്ന് പുറത്തുവിടുമെന്ന് മുന്‍ എംഎല്‍എയും കോണ്‍ഗ്രസ് നേതാവുമായ അനില്‍ അക്കര. ഫോറിന്‍ കോണ്‍ട്രിബ്യൂഷന്‍ റെഗുലേഷന്‍ ആക്ട് നിയമലംഘനം മുഖ്യമന്ത്രിയുടെ അറിവോടെയാണെന്ന് അനില്‍ അക്കര കഴിഞ്ഞ ദിവസം ആരോപിച്ചിരുന്നു. ഇതിന്റെ തെളിവുകള്‍ ഉച്ചയ്ക്ക് പന്ത്രണ്ടിന് തൃശൂര്‍ ഡിസിസിയില്‍ നടക്കുന്ന വാര്‍ത്താസമ്മേളനത്തില്‍ പുറത്തുവിടുമെന്നാണ് അനില്‍ അക്കര ഫേസ്ബുക്ക് പോസ്റ്റിലൂടെ അറിയിച്ചിരിക്കുന്നത്.