രണ്ടു കിലോ കഞ്ചാവുമായി യുവാവ് പിടിയില്‍

തിരൂര്‍: രണ്ടു കിലോ കഞ്ചാവുമായി യുവാവ് പിടിയില്‍. തിരൂര്‍ മുട്ടന്നൂര്‍ സ്വദേശി അബ്ദുള്‍ ഹക്കീമാണ് പിടിയിലായത്. ചില്ലറ വില്‍പ്പനക്കായി കൊണ്ടു വന്ന രണ്ടു കിലോ കഞ്ചാവുമായി തിരൂര്‍ കൈനിക്കരയില്‍ വച്ചാണ്‌ മലപ്പുറം ഡിഎഎന്‍എസ്എഎഫ് ടീമിന്റെ പിടിയിലായത്.

മലപ്പുറം എസ്പി സുജിത്ദാസ് ഐപിഎസിന്റെ നിര്‍ദേശത്തില്‍ തിരൂര്‍ ഡിവൈഎസ്പി കെ എ സുരേഷ്ബാബുവിന്റെ നേതൃത്വത്തില്‍ തിരൂര്‍ ഇന്‍സ്‌പെക്ടര്‍ 'ടി ഫര്‍ഷാദ്, എസ്‌ഐ കെ ജെ ജിനേഷ് മലപ്പുറം ഡിഎഎന്‍എസ്എഎഫ് ടീമിലെ എസ്‌ഐമാരായ എം പി മുഹമ്മദ് റാഫി, പ്രമോദ്, എഎസ്‌ഐ ജയപ്രകാശ്, എസ്‌സിപിഒ രാജേഷ്, ജയപ്രകാശ് തുടങ്ങിയവര്‍ ചേര്‍ന്നാണ് പ്രതിയെ പിടികൂടിയത്.