വന്‍ സുരക്ഷ സംവിധാനങ്ങളുള്ള ഭീമ ജ്വല്ലറി ഗ്രൂപ്പ് ഉടമയുടെ വീട്ടില്‍ കവര്‍ച്ച

തിരുവനന്തപുരം: വന്‍ സുരക്ഷ സംവിധാനങ്ങളുള്ള ഭീമ ജ്വല്ലറി ഗ്രൂപ്പ് ഉടമയുടെ വീട്ടില്‍ മോഷണം. കവടിയാറിലെ വീട്ടില്‍ പുലര്‍ച്ചെയായിരുന്നു മോഷണം. മൂന്നു ലക്ഷം രൂപയുടെ സ്വര്‍ണവും രണ്ടര ലക്ഷം രൂപയുടെ വജ്രവും 60000 രൂപയുമാണ് മോഷണം പോയത്. എല്ലാ സുരക്ഷസംവിധാനങ്ങളെയും മറികടന്നായിരുന്നു മോഷണം. നിരവധി പേര്‍ വീട്ടിലുണ്ടായിരിക്കെ എങ്ങനെയാണ് മോഷണം നടന്നത് പോലിസിനെ തന്നെ കുഴക്കുകയാണ്. കവര്‍ച്ചയെ കുറിച്ച പോലിസ് അന്വേഷണം ആരംഭിച്ചു.