തൃശൂര്‍ ജില്ലയില്‍ 1707 പേര്‍ക്ക് കൂടി കൊവിഡ്, 2574 പേര്‍ രോഗമുക്തരായി

തൃശൂർ: തൃശൂര്‍ ജില്ലയില്‍ ശനിയാഴ്ച്ച1707 പേര്‍ക്ക് കൂടി കൊവിഡ്-19 സ്ഥിരീകരിച്ചു; 2574 പേര്‍ രോഗമുക്തരായി. ജില്ലയില്‍ രോഗബാധിതരായി ചികിൽസയില്‍ കഴിയുന്നവരുടെ എണ്ണം 12,866 ആണ്. തൃശ്ശൂര്‍ സ്വദേശികളായ 92 പേര്‍ മറ്റു ജില്ലകളില്‍ ചികിൽസയില്‍ കഴിയുന്നു.

ജില്ലയില്‍ ഇതുവരെ കൊവിഡ് സ്ഥിരീകരിച്ചവരുടെ എണ്ണം 2,32,951 ആണ്. 2,18,722 പേരെയാണ് ആകെ രോഗമുക്തരായി ഡിസ്ചാര്‍ജ്ജ് ചെയ്തത്. ഇന്നത്തെ ടെസ്റ്റ് പോസിറ്റിവിറ്റി നിരക്ക് 18.60% ആണ്.

ജില്ലയില്‍ ശനിയാഴ്ച്ച സമ്പര്‍ക്കം വഴി 1696 പേര്‍ക്കാണ് രോഗം സ്ഥിരീകരിച്ചത്. കൂടാതെ സംസ്ഥാനത്തിന് പുറത്തുനിന്ന് എത്തിയ 01 ആള്‍ക്കും, 06 ആരോഗ്യ പ്രവര്‍ത്തകര്‍ക്കും, കൂടാതെ ഉറവിടം അറിയാത്ത 04 പേര്‍ക്കും രോഗബാധ ഉണ്ടായിട്ടുണ്ട്. രോഗ ബാധിതരില്‍ 60 വയസ്സിനുമുകളില്‍ 137 പുരുഷന്‍മാരും 151 സ്ത്രീകളും പത്ത് വയസ്സിനു താഴെ 65 ആണ്‍കുട്ടികളും 60 പെണ്‍കുട്ടികളുമുണ്ട്.