വിവാഹ ദിനത്തില്‍ കൊറഗ വേഷം അണിഞ്ഞ സംഭവം; നവവരനെ വിമാനത്താവളത്തില്‍ വെച്ച് അറസ്റ്റ് ചെയ്തു

കാസര്‍കോഡ്:കൊറഗ സമുദായത്തിന്റെ ആരാധനാമൂര്‍ത്തിയായ കൊറഗജ്ജയുടെ വേഷം കെട്ടി വധൂഗൃഹത്തില്‍ പോയ കേസില്‍ ഒളിവിലായിരുന്ന കാസര്‍കോഡ്:ഉപ്പള സ്വദേശിയായ നവവരന്‍ അറസ്റ്റില്‍. കേസിലെ മുഖ്യപ്രതിയായ ഉമറുല്‍ ബാസിത് ആണ് നെടുമ്പാശേരി വിമാനത്താവള ഉദ്യോഗസ്ഥരുടെ പിടിയിലായത്.ബാസിതിനെ പിന്നീട് ദക്ഷിണ കന്നഡ വിടഌപോലിസിന് കൈമാറി.

വിട്‌ള പോലിസ് സ്‌റ്റേഷന്‍ പരിധിയിലുള്ള വധുവിന്റെ വീട്ടിലേക്ക് ബാസിതിനെ സുഹൃത്തുക്കള്‍ കൊറഗജ്ജയുടെ വേഷം ധരിപ്പിച്ച് ആനയിക്കുകയായിരുന്നു. ഈ രംഗം ചിലര്‍ വീഡിയോയില്‍ പകര്‍ത്തുകയും നവമാധ്യമങ്ങളില്‍ പ്രചരിക്കുകയും ചെയ്തു. ഇത് സംബന്ധിച്ച് പ്രദേശവാസിയായ ഒരാള്‍ വിടഌപോലിസില്‍ പരാതി നല്‍കിയതോടെ കേസ് രജിസ്റ്റര്‍ ചെയ്യുകയായിരുന്നു. ഒളിവില്‍ പോയ ബാസിത് മംഗളൂരുവിലെ അഡീഷണല്‍ സെഷന്‍സ് കോടതിയില്‍ മുന്‍കൂര്‍ ജാമ്യത്തിന് അപേക്ഷ നല്‍കിയെങ്കിലും കോടതി തള്ളുകയാണുണ്ടായത്.