കോട്ടയം ജില്ലയില്‍ 593 പുതിയ കൊവിഡ് രോഗികള്‍

കോട്ടയം: കോട്ടയം ജില്ലയില്‍ 593 പേര്‍ക്കു കൂടി കൊവിഡ് സ്ഥിരീകരിച്ചു. 586 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതില്‍ ഒരു ആരോഗ്യ പ്രവർത്തകയും ഉള്‍പ്പെടുന്നു. സംസ്ഥാനത്തിനു പുറത്തു നിന്നെത്തിയ ഏഴു പേർ രോഗബാധിതരായി. പുതിയതായി 4487 പരിശോധനാഫലങ്ങളാണ് ലഭിച്ചത്.

രോഗം ബാധിച്ചവരില്‍ 269 പുരുഷന്‍മാരും 235 സ്ത്രീകളും 89 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 85 പേര്‍ക്ക് കൊവിഡ് സ്ഥിരീകരിച്ചിട്ടുണ്ട്.

387 പേർ രോഗമുക്തരായി. 5309 പേരാണ് നിലവിൽ ചികിത്സയിലുള്ളത്. ഇതുവരെ ആകെ 41131 പേര്‍ കൊവിഡ് ബാധിതരായി. 35712 പേര്‍ രോഗമുക്തി നേടി. ജില്ലയില്‍ ആകെ 12998 പേര്‍ ക്വാറന്‍റൈനില്‍ കഴിയുന്നുണ്ട്.