ക്ഷേത്രങ്ങളിൽ ഭണ്ഡാരങ്ങൾ കുത്തിത്തുറന്ന് മോഷണം

മാള: കീഴഡൂരിൽ രണ്ട് ക്ഷേത്രങ്ങളിൽ ഭണ്ഡാരങ്ങൾ കുത്തിത്തുറന്ന് മോഷണം. മംഗലതൃക്കോവിൽ, ദുർഗ്ഗാദേവി ക്ഷേത്രങ്ങിലാണ് മോഷണം നടന്നത്. ഇരു ക്ഷേത്രങ്ങളിലായി നാല് ഭണ്ഡാരങ്ങളാണ് കുത്തിതുറന്നത്. ദുർഗ്ഗാ ക്ഷേത്രത്തിൽ കുത്തുവിളക്കിൻ്റെ കമ്പി ഉപയോഗിച്ചാണ് ഭണ്ഡാരങ്ങൾ തുറന്നിട്ടുള്ളത്. മംഗലംതൃക്കോവിൽ ക്ഷേത്രത്തിൽ സമീപത്തെ വീട്ടിൽ നിന്ന് കൊണ്ടുവന്ന പൈപ്പ് ഉപയോഗിച്ചാണ് പുട്ട് തുറന്നത്.

മാള പോലിസ് അന്വേഷണം നടത്തുന്നുണ്ട്. ഈ രണ്ട് ക്ഷേത്രങ്ങളിലും നേരത്തെ നിരവധി തവണ സമാനമായ രീതിയിൽ മോഷണങ്ങൾ നടന്നിട്ടുണ്ട്. ഒരാൾ തന്നെയായിരിക്കാം മോഷണം നടത്തിയിട്ടുള്ളതെന്നാണ് പോലിസ് സംശയിക്കുന്നത്. മാള മേഖലയിലെ വിവിധ ആരാധനാലയങ്ങളില്‍ വര്‍ഷങ്ങളായി ഇടക്കിടെ മോഷണങ്ങള്‍ നടന്നിട്ടും അവയിൽ ഒരാളെപ്പോലും പോലിസിന് പിടികൂടാനാകാത്തതാണ് മോഷണങ്ങള്‍ നിര്‍ബാധം തുടരുന്നതെന്ന ആക്ഷേപം വ്യാപകമായുണ്ട്.