വയനാട് ജില്ലയില്‍ 62 പേര്‍ക്ക് കൂടി ഇന്ന് കൊവിഡ് സ്ഥിരീകരിച്ചു

കൽപ്പറ്റ: വയനാട് ജില്ലയില്‍ ഇന്ന് 62 പേര്‍ക്ക് കൂടി കൊവിഡ് സ്ഥിരീകരിച്ചു. 78 പേര്‍ രോഗമുക്തി നേടി. 61 പേര്‍ക്ക് സമ്പര്‍ക്കത്തിലൂടെയാണ് രോഗബാധ. രണ്ട് ആരോഗ്യപ്രവര്‍ത്തകര്‍ക്കും രോഗം സ്ഥിരീകരിച്ചു. ടെസ്റ്റ് പോസിറ്റിവിറ്റി റേറ്റ് 5.06 ആണ്.

ഇതോടെ ജില്ലയില്‍ ഇതുവരെ കൊവിഡ് സ്ഥിരീകരിച്ചവരുടെ എണ്ണം 135721 ആയി. 134281 പേര്‍ രോഗമുക്തരായി. നിലവില്‍ 673 പേരാണ് ചികിൽസയിലുള്ളത്. ഇവരില്‍ 629 പേര്‍ വീടുകളിലാണ് ഐസൊലേഷനില്‍ കഴിയുന്നത്. പുതുതായി നിരീക്ഷണത്തിലായ 484 പേര്‍ ഉള്‍പ്പെടെ ആകെ 6921 പേര്‍ നിലവില്‍ നിരീക്ഷണത്തിലുണ്ട്. ജില്ലയില്‍ നിന്ന് 621 സാമ്പിളുകള്‍ ഇന്ന് പരിശോധനയ്ക്ക് അയച്ചു.

രോഗം സ്ഥിരീകരിച്ചവര്‍

ബത്തേരി 7, അമ്പലവയല്‍, കല്‍പറ്റ, മൂപ്പൈനാട്, നൂല്‍പ്പുഴ 5 വീതം, മാനന്തവാടി, പനമരം, തവിഞ്ഞാല്‍ 4 വീതം, എടവക, നെന്മേനി, പൂതാടി 3 വീതം, കോട്ടത്തറ, മീനങ്ങാടി, മേപ്പാടി, പുല്‍പ്പള്ളി 2 വീതം, മുള്ളന്‍കൊല്ലി, മുട്ടില്‍, പടിഞ്ഞാറത്തറ, വെള്ളമുണ്ട, വൈത്തിരി ഒരോര്‍ത്തര്‍ വീതം. ഇതിനുപുറമെ ഡല്‍ഹിയില്‍ നിന്ന് വന്ന എടവക സ്വദേശിക്കും രോഗം സ്ഥിരീകരിച്ചു.