രാഹുലിന്റെ രാജി; പുതിയ അധ്യക്ഷന്‍ യുവ നേതാവായിരിക്കണമെന്നു അമരീന്ദര്‍ സിങ്

ചന്ദീഗഡ്‌: ലോക്‌സഭാ തെരഞ്ഞെടുപ്പിലെ കോണ്‍ഗ്രസിന്റെ പരാജയത്തെ തുടര്‍ന്നു അധ്യക്ഷസ്ഥാനത്തു നിന്നു രാജിവച്ച രാഹുല്‍ ഗാന്ധിക്കു പകം വരുന്ന അധ്യക്ഷന്‍ യുവ നേതാവായിരിക്കണമെന്നു ക്യാപ്റ്റന്‍ അമരീന്ദര്‍ സിങ്. ട്വിറ്ററിലൂടെയാണ് മുതിര്‍ന്ന പാര്‍ട്ടി നേതാവും പഞ്ചാബ് മുഖ്യമന്ത്രിയുമായ അമരീന്ദര്‍ സിങ് ഇക്കാര്യം ആവശ്യപ്പെട്ടത്.

രാജ്യത്തൊട്ടാകെ സ്വാധീനം ചെലുത്താന്‍ കഴിയുന്ന, പുതിയ തലമുറയില്‍ നിന്നുള്ള നേതാവായിരിക്കണം കോണ്‍ഗ്രസ് അധ്യക്ഷന്‍. സാധാരണക്കാര്‍ക്കിടയില്‍ പ്രവര്‍ത്തിക്കാന്‍ കഴിയുന്നയാളും യുവാക്കളുടെ പ്രതിനിധിയുമായിരിക്കണം കോണ്‍ഗ്രസിന്റെ അധ്യക്ഷനെന്നും അമരീന്ദര്‍ സിങ് ട്വീറ്റിലൂടെ ആവശ്യപ്പെട്ടു.