പാര്‍ട്ടി വിരുദ്ധ പ്രവര്‍ത്തനം; ഷിന്‍ഡെയെ പാര്‍ട്ടി പദവികളില്‍ നിന്ന് നീക്കി ഉദ്ദവ് താക്കറെ
പാര്‍ട്ടി വിരുധ പ്രവര്‍ത്തനം നടത്തുകയും സ്വയം അംഗത്വം ഉപേക്ഷിക്കുകയും ചെയ്തതിനാലാണ് നടപടിയെന്ന് ഷിന്‍ഡെയ്‌ക്കെഴുതിയ കത്തില്‍ ഉദ്ദവ് പറയുന്നു.
മുംബൈ: മഹാരാഷ്ട്രാ മുഖ്യമന്ത്രി ഏക്‌നാഥ് ഷിന്‍ഡെക്കെതിരെ പാര്‍ട്ടിക്കകത്ത് നടപടി കടുപ്പിച്ച് ഉദ്ദവ് താക്കറെ. പാര്‍ട്ടി പദവികളില്‍ നിന്ന് ഏക്‌നാഥ് ഷിന്‍ഡെയെ നീക്കി. പാര്‍ട്ടി വിരുധ പ്രവര്‍ത്തനം നടത്തുകയും സ്വയം അംഗത്വം ഉപേക്ഷിക്കുകയും ചെയ്തതിനാലാണ് നടപടിയെന്ന് ഷിന്‍ഡെയ്‌ക്കെഴുതിയ കത്തില്‍ ഉദ്ദവ് പറയുന്നു.
വിമത നീക്കം തുടങ്ങിയതിന് തൊട്ട് പിന്നാലെ നിയമസഭാ കക്ഷി നേതൃ സ്ഥാനവും ഷിന്‍ഡെയില്‍ നിന്ന് എടുത്ത് മാറ്റിയിരുന്നു. അതേസമയം, അടുത്ത ദിവസം നടക്കുന്ന സ്പീക്കര്‍ തിരഞ്ഞെടുപ്പില്‍ ആരെ മത്സരിപ്പിക്കണമെന്ന കാര്യത്തില്‍ മഹാവികാസ് അഖാഡി സഖ്യത്തില്‍ ഇതുവരെ തീരുമാനം ആയില്ല. സ്പീക്കര്‍ സ്ഥാനം സഖ്യത്തില്‍ കോണ്‍ഗ്രസിന് അവകാശപ്പെട്ടതായിരുന്നു.
വിമത എംഎല്‍എമാരെ അയോഗ്യരാക്കുന്ന കാര്യത്തില്‍ സുപ്രിം കോടതി തീരുമാനം പറയും മുന്‍പ് തിരഞ്ഞെടുപ്പ് നടക്കുന്നതിനെതിരേ അമര്‍ഷത്തിലാണ് കോണ്‍ഗ്രസ്. 2014ല്‍ ശിവസേനയില്‍ നിന്ന് ബിജെപിയിലെത്തിയ രാഹുല്‍ നര്‍വേക്കറാണ് ബിജെപി സ്ഥാനാര്‍ഥി. നിയമസഭാ കൗണ്‍സില്‍ ചെയര്‍മാനും എന്‍സിപി നേതാവുമായ റാംരാജെ നിംബാല്‍ക്കറിന്റെ മരുമകന്‍ കൂടിയാണ് നര്‍വേക്കര്‍.
സ്‌കൂളില്‍ ക്രിസ്മസ് ആഘോഷം; അധ്യാപകരെ ഭീഷണിപ്പെടുത്തിയ സംഭവത്തില്‍...
22 Dec 2024 5:10 PM GMTഇസ്‌ലാമോഫോബിയ പ്രചരിപ്പിക്കുന്നതില്‍ സിപിഎം നേതാക്കള്‍ ആനന്ദം...
22 Dec 2024 1:48 PM GMTമുണ്ടക്കൈ-ചൂരല്‍മല ദുരന്തം: രണ്ട് ടൗണ്‍ഷിപ്പുകള്‍ ഒറ്റ ഘട്ടമായി...
22 Dec 2024 12:49 PM GMTകേരളത്തെ 30 സംഘടനാ ജില്ലകളായി തിരിച്ച് ബിജെപി
22 Dec 2024 10:49 AM GMTഇരിട്ടി സൈനുദ്ദീന്‍ വധം: പരോളിലിറങ്ങിയ സിപിഎം പ്രവര്‍ത്തകന്‍...
22 Dec 2024 9:01 AM GMTപാലക്കാട് വിദ്യാര്‍ഥികളുടെ ക്രിസ്മസ് ആഘോഷം തടഞ്ഞ മൂന്ന് വിശ്വഹിന്ദു...
22 Dec 2024 7:29 AM GMT
