പഞ്ചാബില്‍ കാര്‍ ഷോറൂമില്‍ വന്‍ തീപ്പിടിത്തം; 40 കാറുകള്‍ കത്തിനശിച്ചു

അമൃത്‌സര്‍: പഞ്ചാബിലെ ബതിന്ദയില്‍ കാര്‍ ഷോറുമിലുണ്ടായ വന്‍ തീപ്പിടിത്തത്തില്‍ 40 കാറുകള്‍ കത്തിനശിച്ചു. ഇരുനില കെട്ടിടത്തിനാണ് തീപ്പിടിച്ചത്. സംഭവത്തില്‍ ആളപായമില്ലെന്നും ആര്‍ക്കും പരിക്കേറ്റിട്ടില്ലെന്നും അധികൃതര്‍ അറിയിച്ചു.

ഷോട്ട് സര്‍ക്യൂട്ടായിരിക്കും തീപ്പിടിത്തത്തിന്റെ കാരണമെന്നാണ് പ്രാഥമിക നിഗമനം. മന്‍സ റോഡിലുള്ള എവിസി മോട്ടോഴ്‌സ് ഷോറൂമില്‍നിന്ന് പുക പുറത്തേക്ക് വരുന്നതായി കാവല്‍ക്കാരനാണ് ആദ്യം കണ്ടതെന്ന് പോലിസ് പറഞ്ഞു. തീ നിയന്തണവിധേയമാക്കുന്നതിനായി നിരവധി ഫയര്‍ഫോഴ്‌സ് യൂനിറ്റുകളാണ് സ്ഥലത്തെത്തിയിരുന്നത്.