അമിത് ഷായ്ക്കെതിരായ അപകീര്ത്തി പരാമര്ശം; രാഹുലിന്റെ ഹരജി തള്ളി ഹൈക്കോടതി
![അമിത് ഷായ്ക്കെതിരായ അപകീര്ത്തി പരാമര്ശം; രാഹുലിന്റെ ഹരജി തള്ളി ഹൈക്കോടതി അമിത് ഷായ്ക്കെതിരായ അപകീര്ത്തി പരാമര്ശം; രാഹുലിന്റെ ഹരജി തള്ളി ഹൈക്കോടതി](https://www.thejasnews.com/h-upload/2024/02/23/217707-473245-rahul-gandhi-amit-shah.webp)
റാഞ്ചി: മാനനഷ്ടക്കേസ് റദ്ദാക്കണമെന്ന് ആവശ്യപ്പെട്ട് കോണ്ഗ്രസ് നേതാവ് രാഹുല് ഗാന്ധി സമര്പ്പിച്ച ഹരജി തള്ളി ഝാര്ഖണ്ഡ് ഹൈക്കോടതി. 2018-ല് അന്ന് ബി.ജെ.പി. അധ്യക്ഷനായിരുന്ന അമിത് ഷായ്ക്കെതിരേ നടത്തിയ പരാമര്ശത്തിലാണ് രാഹുലിനെതിരേ കേസ് രജിസ്റ്റര് ചെയ്യപ്പെട്ടത്. വിചാരണക്കോടതിയിലെ തനിക്കെതിരായ നടപടികള് റദ്ദാക്കണമെന്നായിരുന്നു രാഹുലിന്റെ ആവശ്യം.
ബി.ജെ.പി നേതാവ് നവീന് ഝായാണ് വിഷയത്തില് പരാതി നല്കിയത്. 2018 ലെ ചായ്ബാസയിലെ തിരഞ്ഞെടുപ്പ് പ്രചാരണ പ്രസംഗത്തില് അമിത് ഷായ്ക്കെതിരെ രാഹുല് നടത്തിയ പരാമര്ശങ്ങള് ചൂണ്ടിക്കാട്ടിയായിരുന്നു കേസ്. ഫെബ്രുവരി 16-ന് രാഹുല് ഗാന്ധിയുടെ ഭാഗം കേട്ട കോടതി കേസ് മാറ്റി വെച്ചിരുന്നു. തുടര്ന്ന് വെള്ളിയാഴ്ച കേസ് പരിഗണിച്ച കോടതി ഹരജി തള്ളുകയായിരുന്നു.
അമിത് ഷായെ അപകീര്ത്തിപ്പെടുത്തുന്ന പരാമര്ശം നടത്തിയെന്ന കേസില് ഉത്തര്പ്രദേശിലെ സുല്ത്താന്പുര് കോടതി കഴിഞ്ഞദിവസം രാഹുലിന് ജാമ്യം അനുവദിച്ചിരുന്നു. 2018-ലെ കര്ണാടക നിയമസഭാ തിരഞ്ഞെടുപ്പ് വേളയില് ബെംഗളൂരുവില് നടത്തിയ വാര്ത്താസമ്മേളനത്തില് അമിത് ഷായ്ക്കെതിരെ അപകീര്ത്തി പരാമര്ശം നടത്തി എന്നാരോപിച്ചാണ് ബി.ജെ.പി. നേതാവ് വിജയ് മിശ്ര രാഹുലിനെതിരെ മാനനഷ്ടക്കേസ് നല്കിയത്.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTബലാത്സംഗക്കേസ്; മുകേഷിന്റെ മുന്കൂര് ജാമ്യം റദ്ദാക്കണമെന്ന്...
7 Sep 2024 12:42 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT