ബലാത്സംഗക്കേസ്; മുകേഷിന്റെ മുന്കൂര് ജാമ്യം റദ്ദാക്കണമെന്ന് സര്ക്കാര്
കൊച്ചി: ബലാത്സംഗക്കേസില് എം മുകേഷ് എംഎല്എയുടെ മുന്കൂര് ജാമ്യം റദ്ദാക്കാന് സര്ക്കാര് ഹൈക്കോടതിയിലേക്ക്. മുന്കൂര് ജാമ്യം നല്കിയ സെഷന്സ് കോടതി ഉത്തരവിനെതിരെ സര്ക്കാര് ഹരജി നല്കും. സെഷന്സ് കോടതി വിധിയിലെ പിഴവുകള് ചൂണ്ടിക്കാട്ടിയാവും ഹരജി.
എറണാകുളം പ്രിന്സിപ്പല് സെഷന്സ് കോടതി ഉത്തരവ് വിചാരണയെ ബാധിക്കുമെന്നും അതിജീവിതയുടെ മൊഴിയെ അവിശ്വസിക്കുന്നതാണ് മുന്കൂര് ജാമ്യ ഉത്തരവെന്നും ചൂണ്ടിക്കാട്ടിയാകും ഹൈക്കോടതിയെ സമീപിക്കുക. ഇക്കാര്യം ആവശ്യപ്പെട്ട് അന്വേഷണ സംഘം ഡയറക്ടര് ജനറല് ഓഫ് പ്രൊസിക്യൂഷന് കത്ത് നല്കിയതോടെയാണ് തീരുമാനം. പതിനഞ്ച് വര്ഷം പഴക്കമുള്ള കേസെന്ന ലാഘവത്തോടെ കാണാനാകില്ലെന്നും വിശദമായ മുന്കൂര് ജാമ്യ ഉത്തരവ് പരിധി വിട്ട ഉത്തരവെന്നും വിലയിരുത്തലിലാണ് സര്ക്കാര് നീക്കം.
19 പേജില് കേസിലെ വസ്തുതകള് വിശദമായി ചര്ച്ച ചെയ്യേണ്ടിയിരുന്നില്ല. കേസിന്റെ വിശദമായ വിലയിരുത്തല് ഈ ഘട്ടത്തില് അനിവാര്യമായിരുന്നില്ല എന്നീ കാര്യങ്ങള് ചൂണ്ടിക്കാട്ടി പ്രൊസിക്യൂഷന് ഹൈക്കോടതിയില് ഹര്ജി നല്കും. മരട് പോലിസ് രജിസ്റ്റര് ചെയ്ത കേസിലാണ് സെഷന്സ് കോടതി മുകേഷിന് ജാമ്യം നല്കിയത്.
RELATED STORIES
എടക്കുളം സ്വദേശി അബൂദബിയില് മരണപ്പെട്ടു
16 Sep 2024 3:45 PM GMTതാനൂരില് പ്ലസ് ടു വിദ്യാര്ഥിനി തുങ്ങിമരിച്ച നിലയില്
16 Sep 2024 3:40 PM GMTനിപ മരണം: മലപ്പുറത്തെ യുവാവിന്റെ റൂട്ട് മാപ്പ് പുറത്തുവിട്ടു
16 Sep 2024 3:33 PM GMTവയനാട് ദുരന്തം: ചെലവ് തുക സംബന്ധിച്ച വാര്ത്തകള് വസ്തുതാ വിരുദ്ധം;...
16 Sep 2024 3:14 PM GMTയുഎസിന്റെ ആളില്ലാ ചാരവിമാനം വീണ്ടും വെടിവച്ചിട്ടെന്ന് ഹൂതികള്; വീഡിയോ ...
16 Sep 2024 12:59 PM GMTരാഹുലിന്റെ നാവറുക്കുന്നവര്ക്ക് 11 ലക്ഷം രൂപ പാരിതോഷികം പ്രഖ്യാപിച്ച്...
16 Sep 2024 12:47 PM GMT