മൂടല്‍ മഞ്ഞില്‍ വാഹനങ്ങളുടെ കൂട്ടയിടി; അംബാലയില്‍ ഏഴു മരണം

ന്യൂഡല്‍ഹി: അംബാല-ചാണ്ഡിഗഢ് ദേശീയ പാതയില്‍ കനത്ത മൂടല്‍ മഞ്ഞ് മൂലം വാഹനങ്ങള്‍ കൂട്ടയിടിച്ച് ഏഴു മരണം. നാലു പേര്‍ക്ക് പരിക്കേറ്റു. ചാണ്ഡിഗഢില്‍നിന്നു വരികയായിരുന്ന എസ്‌യുവി കാറുകള്‍ മറ്റൊരു വാഹനത്തിലിടിക്കുകയായിരുന്നു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. കൊല്ലപ്പെട്ടവര്‍ ചാണ്ഡിഗഢ് സ്വദേശികളാണ്.

കഴിഞ്ഞ ആഴ്ച റേവാരി-റോഹ്ത്തഗ് ഹൈവേയില്‍ മൂടല്‍മഞ്ഞുമൂലമുണ്ടായ വാഹനങ്ങളുടെ കൂട്ടയിടിയില്‍ എട്ടു പേര്‍ മരിച്ചിരുന്നു. 50 ഓളം വാഹനങ്ങളാണ് ഇവിടെ അപകടത്തില്‍പെട്ടത്.