ബിജെപി വാക്താക്കളുടെ പ്രവാചക നിന്ദ അപലപനീയം: ഡോ. അബ്ദുള്‍ഹക്കീം അസ്ഹരി

കോഴിക്കോട്: ബിജെപി വാക്താക്കളുടെ പ്രവാചക നിന്ദ പരാമര്‍ശം അപലപനീയമാണെന്ന് മര്‍കസ് നോളജ് സിറ്റി മാനേജിങ് ഡയറക്ടര്‍ ഡോ. അബ്ദുള്‍ഹക്കീം അസ്ഹരി.

വിശ്വാസി ഹൃദയങ്ങളെ അത് ആഴത്തില്‍ മുറിവേല്‍പ്പിക്കുന്നതാണെന്നും ഫേസ്ബുക്കിലെഴുതിയ കുറിപ്പില്‍ അദ്ദേഹം പറഞ്ഞു. പരസ്പര ബഹുമാനത്തിലും സ്‌നേഹത്തിലുമധിഷ്ഠിതമായ നമ്മുടെ പാരമ്പര്യങ്ങള്‍ക്ക് ചേരുന്നതല്ല ഇത്തരം സമീപനങ്ങള്‍. ഇതിനെതിരേ പാര്‍ട്ടിയുടെ ഭാഗത്ത് നിന്നുണ്ടായ ശിക്ഷ നടപടി പരിഗണനീയമാണ്. രാജ്യവും ഇതിനെ തള്ളി പറയുകയും ശിക്ഷിക്കേണ്ടിയുമിരിക്കുന്നു. ജനാധിപത്യത്തിന്റെയും ബഹുസ്വരതയുടെയും മൂല്യങ്ങള്‍ ഉയര്‍ത്തിപ്പിടിക്കാന്‍ രാജ്യത്തെ ഓരോ പൗരനും ഉത്തരവാദിത്വമുണ്ട്. നാളത്തെ ഇന്ത്യയെ നയിക്കുന്നതും ഈ മൂല്യങ്ങളായിരിക്കണമെന്നും അദ്ദേഹം ഓര്‍മിപ്പിച്ചു.