വള്ളം മറിഞ്ഞ് മത്സ്യത്തൊഴിലാളി മരിച്ചു

തിരുവനന്തപുരം: വള്ളം മറിഞ്ഞ് മത്സ്യത്തൊഴിലാളി മരിച്ചു. തുമ്പ സ്വദേശി അബ്രഹാം കോരയാണ് (61) മരിച്ചത്. മത്സ്യബന്ധനത്തിന് പോയ ഏഴംഗ സംഘത്തിന്‍റെ വള്ളം ശക്തമായ തിരയിലും ചുഴിയിലും പെട്ട് മറിയുകയായിരുന്നു. ജില്ലയിൽ മത്സ്യബന്ധനം നിരോധിച്ചിരിക്കെയാണ് അപകടം. മൃതദേഹം മെഡിക്കൽ കോളജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.