എംജിയിലെ കൈക്കൂലിക്കേസ്; ജീവനക്കാരിയുടെ ജാമ്യാപേക്ഷ വിജിലന്സ് കോടതി തള്ളി
![എംജിയിലെ കൈക്കൂലിക്കേസ്; ജീവനക്കാരിയുടെ ജാമ്യാപേക്ഷ വിജിലന്സ് കോടതി തള്ളി എംജിയിലെ കൈക്കൂലിക്കേസ്; ജീവനക്കാരിയുടെ ജാമ്യാപേക്ഷ വിജിലന്സ് കോടതി തള്ളി](https://www.thejasnews.com/h-upload/2022/02/02/180962-elsi-arrest.jpg)
തിരുവനന്തപുരം: എംജി സര്വകലാശാലയില് വിദ്യാര്ഥിയില്നിന്ന് കൈക്കൂലി വാങ്ങിയ കേസില് അസിസ്റ്റന്റ് സി ജെ എല്സിയുടെ ജാമ്യാപേക്ഷ തിരുവനന്തപുരം വിജിലന്സ് കോടതി തള്ളി. പ്രഥമദൃഷ്ട്യ പ്രതി ഗൗരവമായ കുറ്റകൃത്യമാണ് ചെയ്തിരിക്കുന്നതെന്ന് കോടതി നിരീക്ഷിച്ചു. അന്വേഷണം തുടരുന്നതിനാല് ജാമ്യം നിഷേധിക്കുകയാണെന്നും കോടതി അറിയിച്ചു. പ്രൊവിഷനല് സര്ട്ടിഫിക്കറ്റും മാര്ക്ക് ലിസ്റ്റും വേഗത്തില് നല്കാന് വിദ്യാര്ഥിയില്നിന്ന് കൈക്കൂലി വാങ്ങിയ കേസില് കഴിഞ്ഞ ദിവസമാണ് എംജി സര്വകലാശാല പരീക്ഷാ വിഭാഗം അസിസ്റ്റന്റ് എല്സിയെ വിജിലന്സ് അറസ്റ്റ് ചെയ്തത്.
വിജിലന്സ് ഡിവൈഎസ്പി പി കെ വിശ്വനാഥന്റെ നേതൃത്വത്തിലുള്ള സംഘമാണ് എല്സിയെ അറസ്റ്റ് ചെയ്തത്. ഏറ്റുമാനൂരിലെ കോളജില്നിന്ന് എംബിഎ പാസായ തിരുവല്ല സ്വദേശിനിയായ വിദ്യാര്ഥിനിയാണ് ഇവര്ക്കെതിരേ പരാതി നല്കിയത്. ഇതേ കുട്ടിയില്നിന്നും നേരത്തെ ഒന്നേകാല് ലക്ഷം രൂപ കൈപ്പറ്റിയ എല്സി വീണ്ടും പണം വാങ്ങുമ്പോഴാണ് വിജിലന്സ് കൈയോടെ പിടികൂടിയത്. എല്സി ഈ രീതിയില് നേരത്തെയും കൈക്കൂലി കൈപ്പറ്റിയിട്ടുണ്ടോയെന്ന് വിജിലന്സ് അന്വേഷിക്കുന്നുണ്ട്. ഇന്നലെ രാത്രി എല്സിയുടെ വീട്ടില് വിജിലന്സ് റെയ്ഡ് നടത്തിയെങ്കിലും ഒന്നും കണ്ടെത്താനായില്ല. എല്സിയെ സസ്പെന്ഡ് ചെയ്തതായി രജിസ്ട്രാര് ഡോ.ബി പ്രകാശ് കുമാര് അറിയിച്ചിട്ടുണ്ട്.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMTസിവില് സര്വീസ് പരീക്ഷാ തട്ടിപ്പ്; പൂജ ഖേദ്കറെ സര്വീസില് നിന്ന്...
7 Sep 2024 2:39 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT