തൃശൂര്‍ ജില്ലയില്‍ 613 പേര്‍ക്ക് കൂടി കൊവിഡ്; 290 പേര്‍ക്ക് രോഗമുക്തി

തൃശൂര്‍: ജില്ലയില്‍ 613 പേര്‍ക്ക് കൂടി കൊവിഡ്19 സ്ഥീരികരിച്ചു. 290 പേര്‍ രോഗമുക്തരായി. ജില്ലയില്‍ രോഗബാധിതരായി ചികിത്സയില്‍ കഴിയുന്നവരുടെ എണ്ണം 5857 ആണ്. തൃശൂര്‍ സ്വദേശികളായ 137 പേര്‍ മറ്റു ജില്ലകളിലെ ആശുപത്രികളിലുണ്ട്. ജില്ലയില്‍ ഇതുവരെ കോവിഡ് സ്ഥിരീകരിച്ചവരുടെ എണ്ണം 14254 ആണ്. അസുഖബാധിതരായ 8279 പേരെയാണ് ആകെ രോഗമുക്തരായി ആശുപത്രിയില്‍ നിന്ന് ഡിസ്ചാര്‍ജ് ചെയ്തത്.

വ്യാഴാഴ്ച ജില്ലയില്‍ സമ്പര്‍ക്കം വഴി 608 പേര്‍ക്കാണ് കൊവിഡ് സ്ഥിരീകരിച്ചത്. ഇതില്‍ 10 കേസുകളുടെ ഉറവിടം അറിയില്ല. സമ്പര്‍ക്ക ക്ലസ്റ്ററുകള്‍ ഇവയാണ്: മണപ്പുറം ഫിനാന്‍സ് ക്ലസ്റ്റര്‍ 3, ജൂബിലി മിഷന്‍ മെഡിക്കല്‍ കോളജ് ഹോസ്പിറ്റല്‍ ക്ലസ്റ്റര്‍ (ആരോഗ്യ പ്രവര്‍ത്തകര്‍) 1, ദയ ഹോസ്പിറ്റല്‍ ക്ലസ്റ്റര്‍ 1, കുന്നംകുളം ബി.ആര്‍.ഡി ക്ലസ്റ്റര്‍ 1, എസ്.ഐ.ബി ക്ലസ്റ്റര്‍ 1, മറ്റ് സമ്പര്‍ക്ക കേസുകള്‍ 585. കൂടാതെ 4 ആരോഗ്യ പ്രവര്‍ത്തകര്‍ക്കും 2 ഫ്രന്റ് ലൈന്‍ വര്‍ക്കര്‍മാര്‍ക്കും മറ്റ് സംസ്ഥാനങ്ങളില്‍നിന്ന് വന്ന 3 പേര്‍ക്കും വിദേശത്തുനിന്ന് വന്ന 2 പേര്‍ക്കും കോവിഡ് സ്ഥിരീകരിച്ചു.

രോഗികളില്‍ 60 വയസ്സിന് മുകളില്‍ 36 പുരുഷന്‍മാരും 33 സ്ത്രീകളും 10 വയസ്സിന് താഴെ 16 ആണ്‍കുട്ടികളും 23 പെണ്‍കുട്ടികളുമുണ്ട്.

രോഗം സ്ഥീരികരിച്ച് ജില്ലയിലെ മെഡിക്കല്‍ കോളജുകളിലും കൊവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററുകളിലും ചികിത്സയില്‍ കഴിയുന്നവര്‍: ഗവ. മെഡിക്കല്‍ കോളജ് തൃശൂര്‍ 200, സി.എഫ്.എല്‍.ടി.സി ഇ.എസ്.ഐസി.ഡി മുളങ്കുന്നത്തുകാവ്29, എം.സി.സി.എച്ച്. മുളങ്കുന്നത്തുകാവ്55, കില ബ്ലോക്ക് 1 മുളങ്കുന്നത്തുകാവ്45, കില ബ്ലോക്ക് 2 മുളങ്കുന്നത്തുകാവ്65, സെന്റ് ജെയിംസ് അക്കാദമി, ചാലക്കുടി216, വിദ്യ സി.എഫ്.എല്‍.ടി.സി ബ്ലോക്ക് 1 വേലൂര്‍173, വിദ്യ സി.എഫ്.എല്‍.ടി.സി ബ്ലോക്ക് 2 വേലൂര്‍286, സി.എഫ്.എല്‍.ടി.സി കൊരട്ടി 89, പി.സി. തോമസ് ഹോസ്റ്റല്‍ തൃശൂര്‍411, സി.എഫ്.എല്‍.ടി.സി നാട്ടിക 649, എം.എം.എം. കോവിഡ് കെയര്‍ സെന്റര്‍ തൃശൂര്‍64, ജി.എച്ച് തൃശൂര്‍17, കൊടുങ്ങല്ലൂര്‍ താലൂക്ക് ആശുപത്രി 50, ചാവക്കാട് താലൂക്ക് ആശുപത്രി 47, ചാലക്കുടി താലൂക്ക് ആശുപത്രി 10, കുന്നംകുളം താലൂക്ക് ആശുപത്രി24, ജി.എച്ച് . ഇരിങ്ങാലക്കുട 18, ഡി.എച്ച്. വടക്കാഞ്ചേരി 10, അമല ആശുപത്രി43, ജൂബിലി മിഷന്‍ മെഡിക്കല്‍ കോളേജ് തൃശൂര്‍ 76, മദര്‍ ആശുപത്രി 4, എലൈറ്റ് ഹോസ്പിറ്റല്‍ തൃശൂര്‍2, ഇരിങ്ങാലക്കുട കോഓപ്പറേറ്റീവ് ആശുപത്രി 4, സെന്റ് ജെയിംസ് ഹോസ്പിറ്റല്‍ ചാലക്കുടി 3, മലങ്കര ഹോസ്പിറ്റല്‍ കുന്നംകുളം 7, റോയല്‍ ഹോസ്പിറ്റല്‍ കുന്നംകുളം 4, സണ്‍ മെഡിക്കല്‍ റിസര്‍ച്ച് സെന്റര്‍ തൃശൂര്‍9. 2634 പേര്‍ വീടുകളില്‍ ചികിത്സയില്‍ കഴിയുന്നു.

9817 പേര്‍ വീടുകളില്‍ നിരീക്ഷണത്തിലാണ്. 345 പേരെയാണ് വ്യാഴാഴ്ച ആശുപത്രിയില്‍ പുതിയതായി പ്രവേശിപ്പിച്ചത്. വ്യാഴാഴ്ച 1500പേര്‍ക്ക് ആന്റിജന്‍ പരിശോധന നടത്തി. മൊത്തം 2024 സാമ്പിളുകളാണ് വ്യാഴാഴ്ച പരിശോധിച്ചത്. ഇതുവരെ ആകെ 158515 സാമ്പിളുകളാണ് പരിശോധനയ്ക്ക് അയച്ചത്. വ്യാഴാഴ്ച 503 ഫോണ്‍ വിളികളാണ് ജില്ലാ കണ്‍ട്രോള്‍ സെല്ലില്ലേക്ക് വന്നത്. 121 പേര്‍ക്ക് സൈക്കോസോഷ്യല്‍ കൗണ്‍സിലര്‍മാര്‍ വഴി കൗണ്‍സിലിംഗ് നല്‍കി. വ്യാഴാഴ്ച റെയില്‍വേ സ്‌റ്റേഷനുകളിലും ബസ്സ്റ്റാന്‍ഡുകളിലുമായി 520 പേരെ ആകെ സ്‌ക്രീനിംഗ് ചെയ്തു.