എറണാകുളം ജില്ലയില്‍ ഇന്ന് 9708 പേര്‍ക്ക് കൊവിഡ്

കൊച്ചി:എറണാകുളം ജില്ലയില്‍ കൊവിഡ് വ്യാപനം രൂക്ഷമായി തുടരുന്നു.ജില്ലയില്‍ ഇന്ന് 9708 പേര്‍ക്ക് രോഗം സ്ഥിരീകരിച്ചു.ഇതില്‍ 6946 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്.2719 പേരുടെ രോഗത്തിന്റെ ഉറവിടം വ്യക്തമല്ല.43 ആരോഗ്യപ്രവര്‍ത്തകര്‍ക്ക് കൂടി ഇന്ന് രോഗം ബാധിച്ചിട്ടുണ്ട്.ഇന്ന് 12,102 പേര്‍ രോഗ മുക്തി നേടി.7436 പേരെ കൂടി ജില്ലയില്‍ പുതുതായി വീടുകളില്‍ നിരീക്ഷണത്തിലാക്കി.നിരീക്ഷണ കാലയളവ് അവസാനിച്ച 10507 പേരെ നിരീക്ഷണ പട്ടികയില്‍ നിന്നും ഒഴിവാക്കുകയും ചെയ്തു. വീടുകളില്‍ നിരീക്ഷണത്തില്‍ ഉള്ളവരുടെ ആകെ എണ്ണം 54149 ആണ്. 48286 പേരാണ് ജില്ലയില്‍ കൊവിഡ് ബാധിച്ച് ചികില്‍സയില്‍ കഴിയുന്നത്.

ഇന്ന് ജില്ലയില്‍ നിന്നും കൊവിഡ് പരിശോധനയുടെ ഭാഗമായി സര്‍ക്കാര്‍ സ്വകാര്യ മേഖലകളില്‍ നിന്നും 17288 സാമ്പിളുകള്‍ കൂടി പരിശോധനയ്ക്ക് അയച്ചിട്ടുണ്ട്.ഇന്ന് നടന്ന കൊവിഡ് വാക്‌സിനേഷനില്‍ വൈകിട്ട് 5.30 വരെ ലഭ്യമായ വിവരമനുസരിച്ച് 10781 ഡോസ് വാക്‌സിനാണ് വിതരണം ചെയ്തത്. ഇതില്‍ 2731 ആദ്യ ഡോസും, 5417 സെക്കന്റ് ഡോസുമാണ്. കൊവിഷീല്‍ഡ് 8528 ഡോസും, 2252 ഡോസ് കൊവാക്‌സിനും ഒരു ഡോസ് സ്പുട്‌നിക് വാക്‌സിനുമാണ് വിതരണം ചെയ്തത്. ആരോഗ്യ പ്രവര്‍ത്തകര്‍ക്കും, മുന്നണിപ്പോരാളികള്‍ തുടങ്ങിയവര്‍ക്കുള്ള കരുതല്‍ ഡോസായി 2633 ഡോസ് വാക്‌സിനാണ് ഇന്ന് വിതരണം ചെയ്തത്. ആകെ 54723 ഡോസ് മുന്‍കരുതല്‍ ഡോസ് നല്‍കി.

ജില്ലയില്‍ ഇതുവരെ 5801760 ഡോസ് വാക്‌സിനാണ് നല്‍കിയത്. 3187197 ആദ്യ ഡോസ് വാക്‌സിനും, 2559840 സെക്കന്റ് ഡോസ് വാക്‌സിനും നല്‍കി.ഇതില്‍ 5114765 ഡോസ് കൊവിഷീല്‍ഡും, 670360 ഡോസ് കൊവാക്‌സിനും, 16635 ഡോസ് സുപ്ട്‌നിക് വാക്‌സിനുമാണ്.94845 കുട്ടികളാണ് ജില്ലയില്‍ ഇതുവരെ വാക്‌സിന്‍ സ്വീകരിച്ചത്‌.