കൊവിഡ് പ്രതിരോധം: എറണാകുളം,തൃശൂര്‍ സ്വദേശികളായ മൂന്നു പേരെ ആശുപത്രിയില്‍ പ്രവേശിപ്പിച്ചു

കൊച്ചി: കൊവിഡിന്റെ പശ്ചാത്തലത്തില്‍ വിദേശരാജ്യങ്ങളില്‍ നിന്നും പ്രവാസി ഇന്ത്യക്കാരെ തിരികെ എത്തിക്കുന്നതിന്റെ ഭാഗമായി ഇന്നലെ അബുദാബി-കൊച്ചി വിമാനത്തില്‍ നെടുമ്പാശേരി വിമാനത്താവളത്തിലെത്തിയ മൂന്നു പേരെ വിവിധ ആശുപത്രികളില്‍ പ്രവേശിപ്പിച്ചു. തൃശൂര്‍ സ്വദേശിയെ കളമശേരി മെഡിക്കല്‍ കോളജിലും എറണാകുളം,തൃശൂര്‍ സ്വദേശികളായ മറ്റു രണ്ടു പേരെ എറണാകുളം കരുവേലിപ്പടി താലൂക്ക് ആശുപത്രിയിലുമാണ് പ്രവേശിപ്പിച്ചത്.വിമാനത്തില്‍ 181 യാത്രക്കാരാണുണ്ടായിരുന്നത്. എറണാകുളം സ്വദേശികളായ 24 പേര്‍ ഉണ്ടായിരുന്നു. ഇതില്‍ 10 പേരെ വീടുകളിലും 13 പേരെ കോവിഡ് കെയര്‍ സെന്ററുകളിലും നിരീക്ഷണത്തിലാക്കി.